23:28 16 Аяк оона 2019
Түз эфир
  • USD69.8099
  • EUR77.2028
  • RUB1.0937
Атамбаевдин Кой-Таштагы үйүндөгү атайын операция

Министрлик: Атамбаевдин тарапташы Таласта каза тапты деген маалымат жалган

© Sputnik / Табылды Кадырбеков
Коом
Кыскача шилтеме алуу
Атамбаевдин Кой-Таштагы үйүндөгү атайын операция (152)
661 0 0

Ирина Карамушкинанын билдирүүсүнөн кийин министрлик Талас облусундагы бардык медициналык мекемелерди текшерип чыкты.

БИШКЕК, 20-авг. — Sputnik. Саламаттыкты сактоо министрлиги «мурдагы президент Алмазбек Атамбаевдин тарапташы спецназ жоокеринен токмок жеп, Таласка качып баргандан кийин каза болду» деген билдирүүнү текшерип, чындыкка дал келбей турганын аныктады. Бул тууралуу аталган министрликтен кабарлашты.

Буга чейин Жогорку Кеңештин депутаты Ирина Карамушкина 24 жаштагы Миржан Курманбек уулу спецназ аскерлеринен таяк жеп каза тапканы боюнча маалымат түшкөнүн айтып, партиялаштары текшерип жатканын жар салган. Буга байланыштуу Саламаттыкты сактоо министрлиги борбор калаадагы жана Кой-Таш менен Арашан айылдарындагы мекемелерди текшерип, Карамушкинанын айткандарын төгүндөгөн. Бул маалыматты УКМК дагы четке каккан.

Андан кийин Карамушкина кайра билдирүү жасап, Курманбек уулу жаракат алгандан кийин Таласка качып барып, эки күн жаткандан кийин абалы оорлошуп ооруканага түшкөнүн айткан. Бирок абалы жакшырбай каза болуп калганын билдирген.

Мындан улам Саламаттыкты сактоо министрлиги Талас облусундагы бардык ооруканаларды текшерип чыкты.

"Министрликтин Талас облусу боюнча координатору Аттокур Шадиев үй-бүлөлүк дарыгерлер тобуна, фельдшердик-акушердик пунктуларга, аймактык ооруканаларга жана үй-бүлөлүк медицина борборлоруна сурам жиберген. Натыйжада мекемелердин бардыгы Миржан Курманбек уулу аттуу жаран кайрылбаганын жана анын өлүмү катталбаганын билдиришти", — деп айтылат маалыматта.

Ошондой эле министрлик 7-8-август күндөрү ар кандай жаракат алып дарыгерлерге кайрылган 139 адамдын ичинен бүгүнкү күндө экөө ооруканада жатканын кошумчалады. Калган 137 киши тиешелүү медициналык жардам алгандан кийин үйүнө чыгарылган.

Белгилей кетсек, 7-августта УКМКнын мурунку президент Алмазбек Атамбаевди кармоо операциясы ишке ашпай калган. Атайын даярдыктагы бөлүктүн аскерлерине Атамбаевдин тарапташтары катуу каршылык көрсөтүп, ок атылган. Айрым автоунаалар өрттөлүп, кээ бирлерин таш менен талкалашкан. Натыйжада спецназдын бир жоокери каза таап, 100дөн ашуун киши жаракат алган.

Эртеси, 8-августта, операцияны ИИМ жүргүзүп, сүйлөшүүлөрдөн кийин Атамбаев багынып берген. Андан соң "Ала-Тоо" аянтына жүздөгөн адам чогулуп, массалык башаламандык уюштурган. Аларды күч түзүмдөрү көздөн жаш агызуучу газ жана катуу үн чыгаруучу каражаттарды колдонуп тараткан.

Тема:
Атамбаевдин Кой-Таштагы үйүндөгү атайын операция (152)

Тема боюнча

Кой-Ташта спецназдын таягынан бир адам көз жумдубу? УКМК Карамушкинага жооп берди
Белгилер:
маалымат, КР Саламаттык сактоо министрлиги, Талас, жаракат, Кой-Таш

ЭҢ МААНИЛҮҮ