БИШКЕК, 9-авг. — Sputnik. Интернетте Алмазбек Атамбаевдин тергөө абагындагы делген сүрөтү тарап жатат.
Посмотреть эту публикацию в Instagram
Анда Атамбаевдин ак көйнөкчөн бет маңдай жана капталынан сүрөткө түшүп бергенин көрүүгө болот.
Белгилей кетсек, Атамбаевди милиция кызматкерлери Кой-Таштагы үйүнөн 8-августта кечке жуук кармашып, УКМКнын имаратына алып келишкен. Атамбаевдин баш коргоо чарасын Биринчи Май райондук сотунун судьясы карап, соттун чечими менен УКМКнын тергөө абагына 26-августка чейин киргизилген.
7-августта кечинде УКМК мурдагы президент Алмазбек Атамбаевди кармоо боюнча атайын операция жүргүзгөн, бирок андан майнап чыккан эмес. Акыркы маалыматтар боюнча, кагылышуудан 98 киши жаракат алып, спецназдын бир жоокери каза болгон.
