00:13 26 Бугу 2019
Түз эфир
  • USD69.8500
  • EUR78.1272
  • RUB1.0811
Дүкөн. Архив

Өзгөндө дүкөндөрдүн абийирин төккөн блогер камалды. Себеби

© Sputnik / Владимир Астапкович
Коом
Кыскача шилтеме алуу
3460 0 0

Блогер мөөнөтү өтүп кеткен азык-түлүк саткан дүкөндөрдү аныктап, милицияга кабарлап турган. Жигит тарткан видеолордон кийин бир нече дүкөн айыпка жыгылган.

ОШ, 15-май – Sputnik. Өзгөн шаарындагы дүкөндөрдү текшерип, мөөнөтү өтүп кеткен азык-түлүктөрдү видеого тартып, YouTube каналына жүктөп келген блогер опузалап акча талап кылууга шектелип, бир айга камакка алынды. Бул тууралуу облустук милициянын маалымат катчысы Жеңиш Аширбаев Sputnik Кыргызстан агенттигине билдирди.

Анын айтымында, шектүү Өзгөн райондук милициясынын убактылуу кармоочу жайынан Ош шаарындагы №25 тергөө абагына которулду.

Өзгөн райондук соту блогердин баш коргоо чарасын тандаган. Шектүү Жазык кодексинин 203-беренеси (опузалап акча талап кылуу) боюнча айыпталууда. Ал 32 жашта, Мырза-Аке айыл аймагынын тургуну. Буга чейин өзүнүн YouTube каналындагы "Чындык маалымат KG" деген баракчасына Өзгөн шаарындагы дүкөндөрүндө сатылып жаткан мөөнөтү өтүп кеткен азык-түлүктөрдүн видеосун жарыялап келген.

Мисалы, 2019-жылдын 31-мартында блогер Өзгөн шаарынын Манас көчөсүндө жайгашкан дүкөндөрдүн бириндеги мөөнөтү өтүп кеткен азыкты видеого тартып, өзүнүн каналына жайгаштырган. Ошондой эле милиция кызматкерлерин дагы чакырган. Укук коргоочулар бул фактыны каттоого алып, ошол эле күнү текшерүү иштери жүргүзүлгөн.

"Бул боюнча Өзгөн райондук Оорулардын алдын алуу жана мамлекеттик санитардык эпидемиологиялык көзөмөл борборуна билдирүү жолдонгон. Аталган борбор тарабынан мөөнөтү өтүп кеткен азык-түлүк саткан дүкөн ээсине 5 миң сом өлчөмүндө айып салынган", — дешти милициядан.

Блогер мындан башка дагы бир катар дүкөндөрдү видеого тартып, каналына жүктөгөн. Ошондой эле милиция кызматкерлерин чакырып, чара көрүүнү өтүнгөн.

"Мыйзам чегинде айып төлөгөн дүкөн ээлери блогерге кайрылып, видеотасманы YouTube каналынан алып коюусун суранган. Бирок ал роликти алып салуу үчүн “10 миң сомдон 20 миң сомго чейин талап кылып жатат” деп милицияга төрт кишиден арыз түштү", — деди Аширбаев.

Мындан сырткары, дүкөн ээлери блогер аларды тилдегенин айтып арызданса, шектүү дагы бейтааныш эки киши аны сөккөнүн айтып арыз жазган. Учурда эки тараптын тең доосу каттоого алынып, материалдар топтолуп жатат.

Белгилер:
милиция, дүкөн, видеоблогер, Өзгөн

ЭҢ МААНИЛҮҮ