02:58 23 Жетинин айы 2019
Түз эфир
  • USD69.8500
  • EUR77.3135
  • RUB1.0964
Кыргызстан менен Тажикстандын чек арасы

Кыргызстан менен Тажикстандын чек арасы 5 күндөн кийин ачылды

© Фото / пресс-служба МВД КР
Коом
Кыскача шилтеме алуу
Кыргыз-тажик чек арасындагы жаңжал (30)
227 0 0

Чек арада чыккан жаңжалга жолдун курулушу себеп болгон.

БИШКЕК, 18-мар. — Sputnik. Кыргызстан менен Тажикстан чек арада чуунун жаралышына себеп болгон жолду ачты. Бул тууралуу Чек ара кызматынан кабарлашты.

18-мартта эки тараптын кезектеги жолугушуусу аяктады. Анын жыйынтыгында Кыргызстан менен Тажикстан бардык көйгөйлүү маселелер боюнча бирдей позицияда экени жана аны чечүүгө даяр турушканы анык болду.

Ошондой эле чек арадагы такталбаган аймактарды эки өлкөнүн чек ара кызматкерлери биргеликте кайтармай болду.

Кыргыз-тажик сүйлөшүүлөрүнөн кийин чек арадагы эки айылга жергиликтүү бийлик өкүлдөрү менен аксакалдар түшүндүрүү иштерин жүргүзүштү. Анын натыйжасында тараптар жолду ачты.

Учурда Баткен — Лейлек (Кыргызстан) жана Исфара — Ворух (Таджикистан) трассасындагы кыймыл жанданды. Чек арадагы абал туруктуу.

Эске салсак, Баткен районундагы Ак-Сай менен Тажикстандын Мехнатабад айылдарынан жашоочуларынын арасындагы чатак 13-мартта чыккан. Эртеси, 14-мартта, эки тарап бири-бирине таш атып, чыңалуу күч алган. Каршылашуунун себеби Кыргызстан тараптан Ак-Сай — Тамдык айланма жолунун курулушу болгондугу айтылган. Вице-премьер Жеңиш Разаков Тажикстан тарап жарандарынын каза болгондугун айтканын билдирген.

Эки тарапты кепке келтирип, абалды жакшыртуу боюнча президенттер менен премьер-министрлер сүйлөшкөн.

15-мартта абал турукташкан.

Тема:
Кыргыз-тажик чек арасындагы жаңжал (30)

Тема боюнча

Акыркы эки күндө кыргыз-тажик чек арасында абал тынч болду
Белгилер:
бийлик, чек ара, Тажикстан, Кыргызстан

ЭҢ МААНИЛҮҮ