БИШКЕК, 28-фев. — Sputnik. Каракол шаарынын ички иштер башкы башкармалыгынын жетекчиси Улан Асанбаев Ысык-Көл облустук ички иштер башкармалыгынын начальниги болуп дайындалды. Бул тууралуу Sputnik Кыргызстан агенттигине укук коргоо органдарындагы булак билдирди.
Тийиштүү буйрукка ички иштер министри 27-февралда кол койгон. Эми жаңы жетекчи Ысык-Көл милициясынын курамына жакынкы аралыкта тааныштырылат.
Облус ИИБинин мурдагы жетекчиси үстүбүздөгү жылдын башында өз каалоосу менен кызматтан кеткен.
