13:12 03 Кулжа 2020
Түз эфир
  • USD73.5222
  • EUR82.1316
  • RUB1.0658
Коом
Кыскача шилтеме алуу
5653 0 0

Аял миргант бала англисче билбейт деген ой менен аны тамашага салгысы келген.

БИШКЕК, 27-фев. — Sputnik. Россиялык Олеся Ушакова аттуу ишкер аял Кыргызстандан барган кондуктор жигиттин таза англисче сүйлөгөнүн угуп таң калганын өзүнүн социалдык тармактагы баракчасына жазып, видеосун жүктөдү.

Анын айтымында, көптөн бери биринчи жолу автобуска түшүп, кондукторду тамашалап көрөйүп деп ойлогон.

"Красноярк шаарындагы №85 автобуста бара жаткам. Кондуктор жаныма келгенде түшүнбөй кыйналат болуш керек деп англис тилинде сүйлөп койсом, ал мени менен кадимкидей маектешип кетсе болобу. Оозум ачылып эле калды", — деп жазды Ушакова.

Жүргүнчүнүн айтымында, өзүн Амир деп тааныштырган кондуктор мурда Стамбулда окуган, бирок үч жылдан бери Россияда иштейт. Мындан тышкары, Ушакова шаар бийлигине кайрылып, бул жигитке сыйлык берип, башка кесиптештерине үлгү катары көрсөтүүсүн сунуштады.

ТВК телеканалы жигиттин Instagram баракчасын таап, өзү менен сүйлөшкөндө ал чын эле Кыргызстанда туулуп-өскөнүн айтып берген. Толук аты Шохрук Илхамжан уулу. Жалал-Абад шаарынын №3 орто мектебинде окуган.

"Университетте билим ала алган жокмун. Бирок Россиянын жарымын, Кавказды автостоп менен кыдырып чыктым. Англис тилин атайын окуп үйрөнгөн эмесмин. Болгону мектепте мугалимди кунт коюп укчумун", — деди Амир.

Кыргызстандык кошумчалагандай, ага англис тили көбүнесе Азербайжанда жүргөндө жакшы жардам берген.

Тема боюнча

Онг Бактай сокку узатат деген Эрлан: видеом популярдуу болуп кеткенине таң калдым
Аз жерден калдым! Москвада 1 млн. рублди ээсине кайтарган таксисттин маеги
Белгилер:
тил, автобус, кондуктор, Кыргызстан, Россия

ЭҢ МААНИЛҮҮ