БИШКЕК, 19-фев. — Sputnik. Ысык-Көлдө ири өлчөмдө жумуртка чыгарган канаттуулар фабрикасы дээрлик жок экенин облустук ветеринардык жана фитосанитардык коопсуздук боюнча инспекциясынын башчысы Бакыт Шарапов Sputnik Кыргызстан агенттигине билдирди.
Бул окуя боюнча кызматтык иликтөө башталганын өлкөнүн Ветеринардык жана фитосанитардык коопсуздук боюнча мамлекеттик инспекциясынын директору Калысбек Жумаканов журналисттерге айтып берип жатып, жумуртка сырттан эмес, Ысык-Көл облусунан барганын билдирген.
"Оштон жанагыдай жумуртка чыгып, ал бизден барганы чын болсо, тастыктоочу документтин негизинде так айтышы керек эле. Эгер сапатсыз жумуртка чындап Көлдөгү ишканаларда чыкканы аныкталса, ага жериндеги ветеринар жооп берет. Маселе кылдат текшерүүнү талап кылат", — деди Шарапов.
Жетекчинин айтымында, учурда облуста ири өлчөмдө жумуртка чыгарган бир гана канаттуулар фабрикасы иштейт. Ал Сары-Камыш айылындагы 75 миң тоогу бар фабрика.
