БИШКЕК, 26-дек. — Sputnik. Өтүп бара жаткан жылы Ыкчам медицина борборунун кызматкерлери чакыруунун 32,7 пайызына кечигип барган. Бул тууралуу Саламаттык сактоо министрлиги билдирди.
5 Жетинин айы 2018, 13:56
Маалыматка ылайык, 11 айдын аралыгында аталган борбор жалпысынан 143 миң чакырууга барып, анын 47 миңине кечиккен. Былтыр кечигүүнүн саны 25,5 пайыздын тегерегинде экени айтылат.
Ал эми Тез жардам кызматынын өкүлдөрү стандарт боюнча бир машина 10 миң адамды тейлеши керектигин түшүндүрүп беришти. Бирок күнү-түнү иштеген 113 бригадага 38 гана унаа туура келип, бир машина 12,4 чакырууга барышы керек.
Кадр агымына каршы туруу үчүн мэрия Ыкчам медицина борборунун дарыгерлерине шаар бюджетинен кошумча 4 миң сом, фельдшерлерге 2,5 миң сом төлөп берет. Кызматкерлердин орточо маянасы 12-14 миң сомдун тегерегинде.
Эскерте кетсек, 29-декабрдан тарта 7-январга чейин Тез жардам кызматы күчөтүлгөн режимде иштемекчи.
