22:11 21 Теке 2019
Түз эфир
  • USD69.6517
  • EUR78.3651
  • RUB1.1079
Премьер-министр Мухаммедкалый Абылгазиев. Архив

Абылгазиев: балдарга зомбулук көрсөткөндөргө катуу чара көрүлсүн

© Фото / пресс-служба правительства / Алишер Алиев
Коом
Кыскача шилтеме алуу
124 0 0

Буга чейин Жети-Өгүздө 1,5 жаштагы наристе таякталып, чарчап калганы маалымдалган.

БИШКЕК, 24-дек. — Sputnik. Премьер-министр Мухаммедкалый Абылгазиев балдарга карата зомбулукту алдын алуу маселеси боюнча кеңешме өткөрдү. Бул тууралуу өкмөттөн маалымдашты.

Өкмөт башчы компетенттүү мамлекеттик органдарга зомбулукту алдын алуу боюнча чараларды күчтөндүрүүнү тапшырды.

"Биринчи кезекте үй-бүлө институтун чыңдоо жана өнүктүрүү, үй-бүлөлүк мамиледеги руханий салттардын сакталышы, ошондой эле балдардын укугун жана кызыкчылыктарын камсыздоо маселеси боюнча калктын маалыматын жогорулатуу боюнча ишти жүргүзүү маанилүү. Алдын алуу иш-чараларын күчөтүп, орун алган фактыларга ыкчам жооп кайтаруу керек. Ошондой эле мындай кылмыштарга барган жактардын гана эмес, компетенттүү органдардын тийиштүү кызматкерлеринин, анын ичинде укук коргоо органдарынын аракетсиздиги жана жоопкер мамилеси үчүн кылмыш жоопкерчилигин катаалдатуу зарыл", — деди премьер.

Премьер-министр райондук штабдардын ишин жандандырууну жана аларды шаар мэрлери менен райондук администрация башчыларынын көзөмөлгө алуусун тапшырды.

"Алар укук коргоо органдары, социалдык мекемелер жана калк менен активдүү иш алып баруусу тийиш. Алардын ишин так координациялап, калк менен иш алып баруусун активдештирүү зарыл. Токтоосуз түрдө үймө-үй кыдырууларды уюштуруп, туугандарынын колунда тарбияланып жаткан балдардын маалыматтык базасын түзүү керек", — деди Абылгазиев.

Өкмөт башчы ошондой эле укук коргоо органдарына балдарга карата зомбулук көрсөтүү боюнча акыркы фактыларды тыкыр иликтеп чыгууну жана күнөөлүү жактарга мыйзам алкагында катуу чараларды көрүүнү тапшырды.

Белгилей кетсек, буга чейин Ысык-Көл облусуна караштуу Жети-Өгүз райондук ооруканасына денесинде көгала тактары бар наристе түшкөнү маалымдалган. Бир нече убактан кийин бала эсине келбей реанимация бөлүмүндө чарчап калган.

Суракка алынган 40 жаштагы аял баланы ага сиңдиси таштап кеткенин айткан. Ал ошондой эле наристе шымына сийип койгону үчүн чыбык менен чаап, чымчып койгонун моюндаган.

Тема боюнча

Жети-Өгүздө таякталган наристенин үй-бүлөсү тууралуу маалымат айтылды
Белгилер:
балдар, зомбулук, Мухаммедкалый Абылгазиев

ЭҢ МААНИЛҮҮ