22:13 18 Баш оона 2019
Түз эфир
  • USD69.7979
  • EUR77.3640
  • RUB1.0576
Жол кыймылын көзөмөлдөө. Архив

"Коопсуз шаар" боюнча доомат коюлган "Вега" компаниясы жооп кайтарды

© AFP 2019 / ERIC CABANIS
Коом
Кыскача шилтеме алуу
183 0 0

Тендердин катышуучуларынын бири "Вега" мындай ири долбоорду ишке ашыра албайт деп күмөн санаган.

БИШКЕК, 5-окт. — Sputnik. "Вега" концернин башкы директорунун орун басары Сергей Калмыков ишкананын дарегине “Коопсуз шаар” долбоору боюнча коюлуп жаткан доомат тууралуу Sputnik Кыргызстан агенттигине пикирин айтты. 

Эске салсак, буга чейин Даттануулар жана каршылык боюнча ведомстволор аралык көз карандысыз комиссия "Коопсуз шаар" долбоору боюнча аукциондо жеңип чыккан россиялык "Вега" радиокуруу концернин сынга алып, чечимди толугу менен жараксыз деп табууну талап кылган.

Буга аукционго катышкан "Маалыматтык системанын коопсуздугу" компаниясы "Вегага" каршы даттануусу себеп болгон. Документте жеңүүчү компаниянын дарегине бир нече доомат коюлган.

Эң негизгилерине токтолсок, даттануучулар "Веганын" "акыркы үч жылда жол кыймылынын эрежелерин видеокаттоого алуу боюнча иш тажрыйбасы көрсөтүлбөгөнүн" айтат. Ошондой эле "уткан компания негизги иш аткаруучу катары эки лотто көрсөтүлгөн 9 миллион долларга бааланган жумуштун жок дегенде 45 пайызын өзү аткарууга милдеттүү" экен.

Бирок "Маалыматтык системанын коопсуздугу" компаниясы "билишибизче "Вега" концернинин буга чейинки иш тажрыйбасын тастыктачу документтери жок" деп жазган даттануусунда.

Калмыковдун айтымында, комиссиянын чечими менен өздөрү макул эмес жана "Маалыматтык системанын коопсуздугу" ишканасы «Вега” тууралуу берген маалыматтар чындыкка коошпойт. 

"Биз бул маселе менен сотко кайрылабызбы же башка жолун издейбизби азырынча белгисиз. Бирок келаткан жуманын шаршембисине чейин жооп айтабыз. Биздин сайтта көрсөтүлгөн долбоорлордун бардыгын ишке ашырганбыз. Ошондой эле видео каттоо жаатында тажрыйбабыз дагы жетиштүү”, — деди директордун орун басары. 

Ошондой эле ал “Коопсуз шаардан” дагы татаал долбоорлор менен иштешээрин кошумчалады. Ал эми ишкана сүрөт жана видео каттоо жаатына 2017-жылдын февраль айында аралашканын айтты. 

Эске салсак, 4-сентябрда "Коопсуз шаар" долбоору боюнча аукцион өтүп, ага "Вега", "Альфа телеком" жана "Маалыматтык системанын коопсуздугу" компаниялары катышкан. Жыйынтыгы 21-сенбярь күнү чыгып, жеңүүчү деп Россиянын "Вега" ишканасы табылган.

Тендердин баштапкы баасы 2,5 миллиард сом. Аукцион бул сумманы төмөндөтүш үчүн өткөрүлүп, ал эки лотко бөлүнгөн. Ар биринин баштапкы баасы 1 миллиард 276 миллион 353 миң 120 сом. Аукциондун натыйжасында эң аз сумма сунуштаган "Концерн радиостроения "Вега" компаниясы жеңишке жетти. Ал биринчи лотко 1 миллиард 125 миллион 765 сом, экинчисине 1 миллиард 195 миллион 575 сом сунуштаган.

Тема боюнча

"Коопсуз шаарды" ишке ашырчу компанияга доомат коюлду. Багы жокко дагы жокпу?
"Коопсуз шаар" долбоору кимге табышталды: тендердин жеңүүчүсү тууралуу 5 факты
Белгилер:
жооп, доомат, комиссия, "Вега", Сергей Калмыков

ЭҢ МААНИЛҮҮ