БИШКЕК, 27-авг. — Sputnik. Кыргызстандагы милиция кызматкерлери күжүрмөн даярдыкка өткөнүн ИИМдин маалымат кызматы билдирди.
Түрк тилдүү мамлекеттердин башчыларынын саммити жана Көчмөндөрдүн дүйнөлүк үчүнчү оюндары учурунда алты миңден ашык милиционер коомдук тартипке көз салат.
2-сентябрдан 8-сентябрга чейин Балыкчы — Ананьево — Каракол жолунда тогуз блокпост күнү-түнү иштеп, айдоочуларга жолду көрсөтүп турат.
Андан сырткары, чет элдик конокторго жана жекргиликтүү элге кеп-кеңеш берүү үчүн 1262 линиясы үч тилде иштеп баштайт.
