14:13 04 Бештин айы 2021
Түз эфир
  • USD84.7946
  • EUR95.7543
  • RUB1.1499
Коом
Кыскача шилтеме алуу
172 0 0

Өлкө башчы ажылык парзын аткарып жүргөн зыяратчылардын тилектери кабыл болуп, мекенге аман-эсен кайтып келишин тилеген.

БИШКЕК, 21-авг. — Sputnik. Президент Сооронбай Жээнбеков кыргызстандыктарды Курман айт майрамы менен куттуктады.

Мамлекет башчы Кыргызстандын ар бир жараны жан дүйнөсүн жаңыртып, бекем ыйман, адал эмгек менен аруу чөйрөдө бактылуу жашоого жетишин каалаган.

"Курман айт жаратканга жакын болууга, таза жашоого, кең пейилдикке жана кайрымдуулукка үндөйт. Ыйманыбыз келечектүү жаштарды тарбиялап, адилеттүү коомду курууга өбөлгө түзөт. Биз бүгүн жараткандан жакшылык суранабыз. Ушул улуу күнү баарыңыздардын аруу тилек, асыл максаттарыңыздар орундалсын. Өлкөбүздөгү улуттар аралык ынтымак, урмат-сый бекемделип, бардык кыргызстандыктарды жакшылык жылоолоп, ийгилик коштоп жүрсүн", — деп жазылат өлкө башчынын куттуктоосунда.

Ошондой эле Жээнбеков ажылык парзын аткарып жүргөн зыяратчылардын тилектери кабыл болуп, мекенге аман-эсен кайтып келишин тилеген.

Тема боюнча

Эски аянттагы Курман айт намазы. Түз эфир аяктады
Курман айт күнү Бишкектин айрым көчөлөрүнө чектөө киргизилет. Карта
Курман айтка карата 4 күн катары менен эс алуу сунушталды. Колдоого алынабы?
Белгилер:
Сооронбай Жээнбеков, Курман айт майрамы, курман айт, куттуктоо

ЭҢ МААНИЛҮҮ