Президент чек арачылардын социалдык маселесин чечүү багытында да бир топ жылыштар бар экендигин баса белгилеп, чек арачылар үчүн турак жай, инфраструктура курулуп жатат, бул иш мындан ары да улантыла берет деп ишендирди.
Рабочая поездка Сооронбая Жээнбекова в Ошскую и Джалал-Абадскую области
© Sputnik Кыргызстан, Пресс-служба президента КР / Султан Досалиев
Жаңы комплексти кыдырып чыгып Жээнбеков чек арачылар менен бирге жоокердин тамагынан ооз тийди, чек арачынын үй-бүлөсү менен чай ичип, жергиликтүү жашоочулар менен аңгемелешти.
Мамлекет башчысы чек арачыларды жаңы комплекстин ачылышы менен куттуктап, аларга чың ден-соолук, кызматтарына ийгилик каалап, 250 миң сомдук сертификат тапшырды.
Белгилей кетсек, модулдук имараттардын заманбап комплекси чек аранын тапшырылган участогунда иш-чараларды жүргүзүү үчүн зарыл болгон бардык инфраструктуранын элементтерин камтыйт. "Шамалды-Сай" чек ара заставасынын курулушу жана жабдылышы ЕАЭБге кошулуу процессинин алкагында өлкөгө техникалык көмөк көрсөтүү боюнча Кыргызстан менен Россия өкмөттөрүнүн ортосунда түзүлгөн макулдашуунун негизинде жүргүзүлгөн.
Жээнбеков бүгүн эртең менен Ош жана Жалал-Абад облустарына иш сапар менен чыгып кеткен.
