04:47 10 Бештин айы 2018
Түз эфир
  • USD69.8499
  • EUR79.4752
  • RUB1.0437
Дарак. Архивдик сүрөт

Бийлик Ат-Башыда шамалдан улам бак басып калган бейтаптардан кабар алды

© Sputnik / Табылды Кадырбеков
Коом
Кыскача шилтеме алуу
336 0 0

Жабыркагандар жубайлар болуп чыкты. Үй ээсинин далысы, ал эми аялынын 12 кабыргасы сынган.

БИШКЕК, 14-июн. — Sputnik. Өкмөттүн Нарын облусундагы өкүлү Аманбай Кайыпов Ат-Башыга барып шамалдын кесепетинен бак басып ооруканада жаткан жубайлардан кабар алды. Бул тууралуу өкүлчүлүктүн маалымат кызматы кабарлады.

Билдирүүгө ылайык, кырсык мындан бир жума мурда, 7-июнда, болгон. Кара-Суу айылында секундасына ылдамдыгы 16-18 метрге жеткен шамал болуп, анын айынан кечке маал уй сааганы чыккан Жумагул Абдырахманов менен Гүлбүбү Сыдыкованы бак басып калган. 

Представитель правительства в Нарынской области Аманбай Кайыпов навестил в больнице пострадавших от сильного ветра в Ат-Баши
© Фото / Пресс-служба полпредства правительства КР в Нарынской области
Өкмөттүн Нарын облусундагы өкүлү Аманбай Кайыпов Ат-Башыга барып шамалдын кесепетинен бак басып ооруканада жаткан жубайлардан кабар алды.

"Кырсыктан үй ээсинин далысы, ал эми аялынын 12 кабыргасы сынып кеткен. Жабырлануучулар Ат-Башы райондук ооруканада дарыланып жатат. Кайыпов дарыгерлерге бейтаптардын ден соолугуна кам көрүп, дайым көзөмөлгө алуусун тапшырды. Жубайлардын тез сакайып кетишин тилек кылып, жардам катары 10 миң сом колдоруна берди", — деп айтылат маалыматта.

Мындан тышкары, Кайыпов кырсык болгон күнү райондук жарандык коргонуу комиссиясы айылга барып, жабыр тарткан турак жайларды көргөнүн, тургундар менен жолугушуулар өткөнүн белгиледи. Чатырлары сыйрылган тамдар камсыздандырылбаган болуп чыкканына кейиген облус башчысы айттырбай келген жаратылыш кырсыгына сабырдуулук менен мамиле кылган айыл элине ыраазычылык билдирди.

Тема боюнча

ӨКМ: Таластын Ак-Жарында жүргөн селге адистердин чала кайым иши себеп болгон
Лейлектеги селдин кесепетин жоюу иштерин министр жетектөөдө
Белгилер:
катуу шамал, бак-дарак, оорукана, Аманбай Кайыпов, Ат-Башы
Колдонуу эрежелериПикирлер

ЭҢ МААНИЛҮҮ