17:22 23 Тогуздун айы 2019
Түз эфир
  • USD69.8230
  • EUR77.6292
  • RUB1.0944
Ымыркай. Архив

Караколдогу төрөт үйүндө балдарга оору жуктуруу фактысы боюнча иши козголду

© Sputnik / Павел Львов
Коом
Кыскача шилтеме алуу
351 0 0

Жаңы көз жарган келиндер дарыгерлердин үстүнө арызданышкан.

БИШКЕК, 2-май — Sputnik. Ысык-Көл облусунун прокуратурасы Каракол шаарындагы төрөт үйүндө жаңы төрөлгөн ымыркайларга остеомиелит инфекциясынын жугушу боюнча кылмыш ишин козгоду. Бул тууралуу Башкы прокуратуранын маалымат кызматы билдирди.

Ага ылайык, ЖМКларга жарандардын кайрылуулары жарыяланган. Төрт келин алардын төрөтүн кабыл алган дарыгердин үстүнөн арызданып, текшерүү учурунда жарыкка келген төрт ымыркайдын остеомиелит оорусуна чалдыкканы аныкталган.

Бул оору төрөт үйүнүн жана Ысык-Көл облустук биргелешкен ооруканасынын дарыгерлери тарабынан убагында аныкталган эмес.

Остеомиелит дарты өрчүшүп кетип, балдар майып болуп калган. Медициналык-социалдык экспертизанын жыйынтыгы менен ымыркайлар Каракол шаардык социалдык өнүгүү башкармалыгы тарабынан майып катары каттоого алынган.

Каракол шаарындагы бул төрөт үйүндө жаңы төрөлгөн ымыркайларга оору жугуу боюнча дагы бир нече учурлар аныкталууда.

Аталган факты боюнча Кылмыш жаза кодексинин 119 (медицина кызматкерлеринин өзүнүн ишин ойдогудай аткарбоосу) жана 316-беренелери (шалаакылык) боюнча кылмыш иши козголду.

Тема боюнча

Толгоону жеңилдетүү жана төрөттөн кийин тез тыңуунун жолдору. Гинеколог менен маек
Белгилер:
Төрөт үйү, ымыркай, Прокуратура, Ысык-Көл облусу

ЭҢ МААНИЛҮҮ