12:51 19 Кулжа 2018
Түз эфир
  • USD68.3068
  • EUR79.1608
  • RUB1.0760
Акча кармап турган адам. Архив

Жөлөк пул алуу жеңилдеп, талап кылынчу документтер кыскартылды

© Sputnik / Табылды Кадырбеков
Коом
Кыскача шилтеме алуу
Жөлөк пул (16)
44301

Жеңилдиктердин ордуна ай сайын акчалай компенсация буга чейин адамдын катталган жеринен гана берилип келген.

БИШКЕК, 17-апр. — Sputnik. Жеңилдиктердин ордуна ай сайын акчалай компенсация төлөө тартиби жөнүндө жобого өзгөртүү жана толуктоолор киргизилди. Тийиштүү токтомго премьер-министр Сапар Исаков кол койгонун өкмөттүн маалымат кызматы билдирди.

Өзгөртүүлөр киргизилгенге дейре акчалай компенсация катталган жери боюнча берилип келген. Жыл сайын компенсация алуучулардан жашаган жеринен маалымдама талап кылынчу (алуучулардын көп бөлүгү кары-картаңдар), мүмкүнчүлүгү чектелген жактар майыптыгын тастыктаган, же кайра күбөлөндүрүүчү документтерди кагаз жүзүндө тапшырып турушкан.

Жаңы жобого ылайык төмөнкүлөр киргизилди:

— акчалай компенсацияны жарандын жашаган жери боюнча, арыз берүүчүнүн каттоосун талап кылбастан дайындоо;

— арыз берүүчүдөн талап кылынган документтердин ичинен жашаган жеринен маалымдаманы жоюу;

— Кыргыз Республикасынын Эмгек жана социалдык өнүктүрүү министрлиги аймактык бөлүмдөрүнүн министрликтин ички электрондук маалыматтар базасы, б.а. корпоративдик социалдык маалыматтык көмөк тутуму аркылуу мүмкүнчүлүгү чектелген жактар тууралуу тастыктаган маалыматты өз алдынча уюштуруусу;

— Кыргыз Республикасынын Эмгек жана социалдык өнүктүрүү министрлигинин маалыматтар менен электрондук түрдө алмашууну караштырган өз ара аракеттенүү жөнүндө эки тараптуу ведомстволор аралык макулдашууларды түзүүсү каралган.

Тема:
Жөлөк пул (16)

Тема боюнча

"Балага сүйүнчү" пулду 327 үй-бүлө алды
Балага сүйүнчү пул алууга арыздар түшө баштады
Белгилер:
компенсация, өкмөт, Сапар Исаков, Кыргызстан
Колдонуу эрежелериПикирлер

ЭҢ МААНИЛҮҮ