БИШКЕК, 4-дек. — Sputnik. Бишкектеги көчөлөрдүн биринде жерге жатып калган баласын ичке тепкен киши Сокулук районундагы Мамлекеттик каттоо кызматынан кетирилет. Бул тууралуу Мамлекеттик каттоо кызматынан билдиришти.
3 Бештин айы 2017, 10:38
Белгилей кетсек, 2-декабрда Социалдык тармактарда кызыл күрмө кийген киши бөбөктү ичке тепкен видео тарап кеткен. Ал Бишкек шаарындагы "Улан-2" кичи районунда тартылганы айтылган. Милиция кызматкерлери шектүүнү ошол эле күнү кечинде кармаган. Аталган факты боюнча "Бейбашчылык" беренеси боюнча кылмыш иши козголгон.
МККдан билдиришкендей, ал Сокулук районундагы мамлекеттик каттоо кызматында жетекчинин орун басары болуп эмгектенет. Төрага Дастан Догоев аны орой аракети үчүн кызматтан алуу боюнча тапшырма берди.
