19:15 13 Жетинин айы 2019
Түз эфир
  • USD69.8500
  • EUR76.8979
  • RUB1.0880
Жүрөккө операция жасоо. Архив

Эксперт: жүрөк оорусунан күн сайын 50 кыргызстандык көз жумат

© Sputnik / Илья Питалев
Коом
Кыскача шилтеме алуу
73 0 0

Статистика жарандардын медициналык мекемеге кайрылуусу боюнча түзүлгөн

БИШКЕК, 29-сен. — Sputnik. Жүрөк ооруларынан улам күн сайын 50 кыргызстандык көз жумарын Миррахимов атындагы Кардиология жана терапия улуттук борборунун директорунун орун басары Рыскүл Кыдыралиева видеокөпүрө маалында айтты.

Заместитель директора Национального центра кардиологии и терапии имени Миррахимова Рыскуль Кыдыралиева в ходе видеомоста
© Sputnik / Максат Элебесова
Миррахимов атындагы Кардиология жана терапия улуттук борборунун директорунун орун басары Рыскүл Кыдыралиева

Жүрөктүн эл аралык күнүнө арналган иш-чара Sputnik Кыргызстан агенттигинин мультимедиалык борборунда өткөн.

Кыдыралиеванын айтымында, эгер Кыргызстанда жүрөк-кан тамыр ооруларынан 50 киши көз жумса, дүйнө жүзүндө расмий маалымат боюнча жылына 18 миллион адам набыт болот. Анын 50 пайызы инфаркт жана инсульт дартынан каза тапкандар.

Бул сан чыныгы абалды чагылдырбай турганы, себеби статистика жарандардын медициналык мекемеге кайрылуусу боюнча түзүлгөнүн ал кошумчалады.

"Өлкөдө ар бир экинчи-үчүнчү чоң кишинин кан басымы жогору. Ар бир үчүнчү киши тамеки чексе, калктын 80 пайыздан ашыгынын жашоо образы анчейин активдүү эмес. Ушунун баары кишинин жүрөк-кан тамыр ооруларынан көз жумушуна алып келет", — деди Кыдыралиева.

Адис аталган илдеттердин пайда болуу факторлорунун алдын алуу аракеттери көрүлүп жатканын маалымдап, медициналык тейлөөнүн сапатын жакшыртуу боюнча программа ишке ашып жатканына токтолду.

Видеокөпүрө Минск, Кишинев, Астана жана Бишкектеги адистердин баарлашуусуна шарт түздү.

Тема боюнча

Сасык тумоо башталдыбы? Оорудан оолак болуу үчүн дарыгердин кеп-кеңеши
Эркектер гана ооруй турган 5 дарт
Белгилер:
инсульт, инфаркт, жүрөк, көпүрө

ЭҢ МААНИЛҮҮ