БИШКЕК, 11-сен. — Sputnik. Төкмө акын Идирис Айитбаев кыргыз-өзбек лидерлеринин алдында эки элдин арман-дартын жана достугун айтып ырдаганы Шавкат Мирзиеёвдин купулуна толуп, турак жай жана темир тулпар белекке берди. Жекшемби күнү кыргызстандык мушкер Валентина Шевченко бразилиялык Аманда Нуньес менен ринг талаасына чыкты. Тилекке каршы, чемпиондук кур Шевченкого буюрбай калды.
Sputnik Кыргызстан агенттиги артта калган аптада социалдык тармактардагы кызыктуу сүрөт, видеолор топтомун сунуштайт.
1. Мушкерлер таймашы. Валентина Шевченко менен Аманда Нуньестин беттешинин урунттуу учурлары. Ал ортодо калыстардын чыгарган бүтүмүнө нааразы болгон күйөрмандар четтен чыкты. Шевченко өзү да эмнеге жеңиш Нуньеске ыйгарылып калганына таң калган.
2. Шайлоонүн үгүт иштери башталды. Бекер концерт, сыйлуу тамактар… Кыскасын айтканда, 35 күндүк жомоктогудай жашоо башталды.
3. Канайымдар парады. Өткөн аптада Өзбекстан менен Кыргызстандын биринчи айымдарынын ардак кароолдо басып бара жаткан сүрөтү көпчүлүктүн көңүлүн бурду. Ошол эле учурда өзбек ханышасынын чырайына суктанып өтүштү.
Ханышалар pic.twitter.com/PIuVZ8tXEo
— Эптемей неме (@rysbek_u) 5 сентября 2017 г.
4. Сүйүнүчтүн ыйы жана бийи. Шаршемби күнү кыргыз-өзбек чек арасындагы "Достук" көзөмөл өткөрүү жайы ишин жандантты. Ачылыш аземи шаңдуу ыр-бийлер менен коштолуп, элдин көзүнөн кубанычтын жашы акты. Анткени арасында айлап-жылдап туугандарын көрбөй жүргөндөр бар эле.
5. Эки элге көпүрө акын. Акын Идирис Айитбаевдин бүл сүрөтү соцтармакта отургандардын жүрөгүн жылытты. Эки элдин жүзүнөн ушундай жылмаюу кетпесе экен!
6. Кайненесине ыр арнаган абышка. "Баса турган жолуңузга жол боломун кайнене, иче турган чайыңызга кант боломун кайнене". Дал ушундай саптар менен чоң атабыз кайненесине ыр арнады. Кызык… Кайненеси канча жашта болду экен?..
7. Жаздык менен чабышкандар. Сиз да ушинтип көчөдө жай баракат бара жатсаңыз бирөө жаздык менен чапкылап кирсе эмне кылмаксыз?
8. Ур токмок оюну. Бул оюндун аты "Коридор" деп аталат экен. Анын эрежеси боюнча катар тизилген балдардын арасынан чуркап өтүш керек. Бирок аягына чыкканга чейин далайынан ур-тепки жейт. Ден соолугу ашыкча болуп жатса дагы башка эле оюндарды ойносо болмок.
9. Романтика. Соңунда романтикалуу видеону тартуулайбыз. Эки жаш бактылуу болсун!
