Москвадагы өрттөн ажал тапкан 14 кыз-келиндин туугандары соттун чечимине нааразы

© AFP 2023 / VASILY MAXIMOVМосква: басмаканадагы кыргызстандыктардын өмүрүн алган өрт. Архив
Москва: басмаканадагы кыргызстандыктардын өмүрүн алган өрт. Архив - Sputnik Кыргызстан
Жазылуу
Элчилик каза болгон жарандардын туугандарына компенсация төлөтүү маселеси боюнча Россиянын тийиштүү органдары жана адвокаттар менен иштөөнү улантып жатат.

БИШКЕК, 19-авг. — Sputnik. Москвадагы "Печатный экспресс" басмаканасынан чыккан өрттөн улам каза тапкан кыргызстандык кыз-келиндердин жакындары ишкананын жетекчиси Сергей Москвин менен Антон Яцковго чыккан соттун өкүмүн жокко чыгарууга аракет көрүүдө. Бул тууралуу Кыргызстандын Россиядагы элчилигинин маалымат кызматы билдирди.

Эскерте кетсек, буга чейин Москва шаарынын райондук сотунун чечими менен Москвин 2,5 жана Яцков 3,5 жылга эркинен ажыратылып, жазасын турак колониясында өтөшмөк.

"Каза болгондордун жакындары элчиликтин колдоосунда сот жумшак өкүм чыгарды деген жүйө менен доо арыз даярдап жатышат", — деп айтылат маалыматта.

Мындан тышкары, элчилик каза болгон жарандардын туугандарына компенсация төлөтүү маселеси боюнча Россиянын тийиштүү органдары жана адвокаттар менен иштөөнү улантып жатканын кабарлады.

Жаңылыктар түрмөгү
0