БИШКЕК, 10-авг. — Sputnik. Түркиянын Стамбулунда бүгүн, 9-августта Манастын эстелигинин ачылышы премьер-министр Сооронбай Жээнбековдун катышуусунда өттү. Бул тууралуу өкмөттүн маалымат кызматынан кабарлашты.
Жээнбеков сөз сүйлөп жатып монументтин ачылышы Кыргызстан менен Түркиянын тарыхындагы маанилүү окуялардын бири экендигин белгиледи.
"Түрк эли биздин маданиятты жана тарыхты сыйлагандыгы үчүн абдан ыраазыбыз. Изник шаарында кыргыз баатырларынын күмбөзү бар. Ал эми Элазыктагы көчөлөрдүн бирине Чыңгыз Айтматовдун ысымы берилген. Бүгүн болсо Айкөл Манастын эстелигинин ачылышы болуп жатат", — деп премьер-министр белгилеген.
Ал ошондой эле Түркиянын өкмөт башчысы Бинали Йылдырым менен эки тараптуу кызматташууну күчөтүү боюнча маселелерди талкуулаганын кошумчалаган.
