БИШКЕК, 30-июл. — Sputnik. Быйылкы жайда күндүн табы 40 градустан ашып, салкын аба көздөн учуп жатат. Акактаткан ысыктан качып айрымдары тоо тарапка бет алса, дагы башкалары Ысык-Көлгө барып жан сергитүүдө.
Sputnik Кыргызстан агенттиги кыргыз эстрада жылдыздарынын социалдык баракчаларына баш багып, Ысык-Көлдө эс алган ирмемдерин топтоду.
1. Жылдыздардын арасынан алгачкылардан болуп Курал Чокоев 8-июнда көлгө түшүү сезонун ачкан. Ал жайга катуу даярданып чачын да алып салыптыр.
2. Ал эми "Кыргызстан сулуусу — 2017" сынагынын жеңүүчүсү модель Бегимай Карыбекова Ысык-Көлгө июль айынын башында барып, "өрдөгү" менен ойноп кайткан.
3. Баса, достор менен көлгө барганда өзүңүзгө сак болууну унутпаңыз. Анткени мындай учурлар көп болот. Ырчы Аваз Акимов дос кызын, пирстин үстүндө бийлеп жаткан жеринен суу койнуна жөнөткөн.
4. Instagram жылдызы Айжан Асемова да эл катары эс алууга барды. Ал жактан адаттагыдай эле жигиттердин көзүн суктандырган сүрөтүн жүктөгөн.
5. Ошондой эле белгилүү ырчы Гүлжигит Калыков эс алуусун келинчеги менен өткөргөн.
6. Анжелика Бекболиева да үй-бүлөсү менен Ысык-Көлгө барып эс алуудагы сүрөттөрүн Instagram баракчасына катар-катары менен жүктөп турган чагы.
7. "Даң-даң" ырынын коштоосунда сууда кайкып жүргөн "даң-даңчылар" үй-бүлөсү менен.
8. Назик үндүү ырчы Асел Кадырбекова болсо көл жээгинде аппак көйнөгү менен жайкала басып бара жаткан жеринен сүрөткө тартылган.
9. Ал эми Азамат Исмаилов менен Эмил Эсеналиев "Титаник" тасмасынын Ысык-Көлдөгү вариантын тарткан.
10. Non stop дуэтинин солисти Максат Садырбеков көлгө барып бүркүттөр менен достошкон.
