БИШКЕК, 19-июл. — Sputnik. Борбор калаадагы "Жал" кичи районунда курулуп жаткан көп кабаттуу үйдөн кулап каза болгон куруучунун артында жубайы жана эки баласы калгандыгын Sputnik Кыргызстан агенттигине милдициядан билдиришти.
© © видео очевидца, отправленное по Whats App-каналу
Эске салсак, 19-июль күнү курулуп жаткан көп кабаттуу үйдөн эки курулушчу кулап, бирөөсү каза тапкан.
Укук коргоо органдарынан билдиришкендей, каза болгон куруучу Маевка айылында жашачу.
"Маркумдун туугандары арыз жазбагандыктан, кылмыш иши козголо элек. Сөөк өлүкканага жеткирилди", — деп айтылат билдирүүдө.
25 жаштагы экинчи куруучу учурда ооруканада жандандыруу бөлүмүндө. Абалы оор. Анын мээси чайкалып, кабыргалары сынып кеткен.
