00:11 20 Аяк оона 2019
Түз эфир
  • USD69.8488
  • EUR77.2458
  • RUB1.0877
Операция жасоо. Архивдик сүрөт

Адамды ажал оозунан сууруп алган кыргызстандык 10 дарыгер

© Sputnik / Варвара Гертье
Коом
Кыскача шилтеме алуу
258310

Бул адамдар күн сайын бейтаптардын жана алардын жакындарынан көз жашына күбө болуп келет. Бирөөлөрү жан чыдатпаган оорудан, ал эми бир катарлары кубанганынан ыйлайт.

БИШКЕК, 2-июл. — Sputnik. Төмөндө биз сөз кыла турган кишилер күн менен түндү билишпейт. Качан гана болбосун оору кыйнап турганда, адамды ажалдан арачалап калганга даяр турушат.

Бүгүн, 2-июлда Кыргызстанда медицина кызматкерлеринин кесиптик майрамы белгиленип жатат. Sputnik Кыргызстан өлкөнүн алтын колдуу он дарыгерин тизмектеп чыкты. 

Тургунбай Садыков, Иса Ахунбаев и Асанхан Жумакматов на вручении ордена Эмгек Кызыл Туу
© Фото / Александр Федоров
Көрүнүктүү хирург жана академик Иса Ахунбаев

Иса Ахунбаев – көрүнүктүү хирург жана академик. Бул дарыгерди Кыргызстандагы көкүрөк хирургиясынын негиздөөчүсү деп атоого болот. 1959-жылы Иса Коноевич Борбордук Азияда биринчи жолу жүрөккө ачык операция жасаган. Анын тажрыйбасынын аркасы менен бүгүн Кыргызстанда жыл сайын 900-1000 адамдын жүрөгү хирургиялык жол менен дарыланып келет. Алардын ичинде жаңы төрөлгөн ымыркайлар да ондоп саналат. 

Выдающийся хирург, герой Кыргызстана Эрнст Акрамов с певицей М. Шипулиной
© Фото / Александр Федоров
Атактуу хирург, профессор жана Кыргызстандын баатыры Эрнст Акрамов

Эрнст Акрамов – атактуу хирург, профессор жана Кыргызстандын баатыры, өзүнүн катаал мүнөзү менен белгилүү. Акрамов Чүй облустук оорукананын хирургиялык бөлүмүн жетектейт. Узак жылдык эмгек жолунда миңдеген адамдын өмүрүн сактап, азыр да ал жолунан кайтпай келет. Быйыл дарыгер 80 жашта. 

Хирург и общественный деятель, почетный директор Национального хирургического центра Кыргызской Республики, действительный член Национальной Академии наук КР, доктор медицинских наук, профессор Мамбет Мамакеев
© Sputnik / Табылды Кадырбеков
Таланттуу хирург, профессор Мамбет Мамакеев

Мамбет Мамакеев – таланттуу хирург, профессор, КММАнын госпиталдык хирургия кафедрасынын башчысы. Мамбет Мамакеевич Кыргызстанда токтоосуз хирургиянын өнүгүшүнө жол салган. Дарыгер өзүнүн 85 жаш курагына карабай бүгүн да ишин улантып, анын жыл сайын жасаган операциялары 250гө жетет. Ал дүйнөдө эмгек жолун улантып жаткан эң кары хирургдардын бири болуп саналат. 

Первая женщина-хирург и первая женщина-академик в Центральной Азии Какиш Рыскулова
Борбордук Азиядагы туңгуч аял хирург жана биринчи аял академик Какиш Рыскулова

Какиш Рыскулова – Борбордук Азиядагы туңгуч аял хирург жана биринчи аял академик. Ал көп сандаган илимий иштердин жана окуу куралдарынын автору. Какиш Рыскуловна жаратты тигүүнүн жаңы ыкмалары боюнча кенен изилдөөлөрдү жүргүзүп, нервдин жана кан тамырлардын хирургиясын иликтеген. Анын эмгектерин азыр да дарыгерлердин улам кийинки мууну кенен колдонуп келет. 

Доктор медицинских наук, профессор, врач-терапевт Мирсаид Миррахимов в рабочем кабинете
© Фото / Архивный фонд Мирсаида Миррахимова
Медицина илимдеринин доктору, профессор, терапевт Мирсаид Миррахимов

Мирсаид Миррахимов – медицина илимдеринин доктору, профессор, терапевт. Анан жетекчилиги астында Улуттук кардиология жана терапия борбору ачылган. Миррахимов Кыргызстанда кардиологияны жакшыртууга зор салым кошкон. Ал бийик тоолуу климат ден соолукка пайдалуу экенин биринчи болуп айтып чыгып, дүйнөлүк коомчулуктун көңүлүн бурган. 

Хаким Бебезов – Кыргыз Республикасынын эмгек сиңирген дарыгери. Кыргыз-Славян Университетинин госпиталдык хирургия кафедрасынын жетекчиси. 300дөн ашык илимий эмгек жазып, беш ойлоп табууну патенттеген. 20 миңден ашуун операцияга кирген. 

кыргызстанский врач-ортопед, академик Сабырбек Джумабеков. Архивное фото
© Sputnik / Нургуль Максутова
Академик, профессор, мурдагы Саламаттыкты сактоо министри Сабырбек Жумабеков

Сабырбек Жумабеков – академик, профессор, мурдагы Саламаттыкты сактоо министри. Бишкек шаарында жайгашкан Травматология жана ортопедия илим-изилдөө борборун жетектейт. Эл аралык илимий форум, конференцияларга активдүү катышып, ал жактарда өзүнүн илимий эмгектерин башкаларга көрсөтүп келет. Борбор Азия жана Казакстанда биринчилерден болуп жүлүн оорусу боюнча микрохирургиялык дарылоону ишке ашырган.

Детский хирург, профессор Талант Омурбеков во время интервью на радио Sputnik Кыргызстан
© Sputnik / Табылды Кадырбеков
Профессор, Балдардын клиникалык тез жардам ооруканасынын башкы дарыгери Талантбек Өмүрбеков

Талантбек Өмүрбеков – профессор, Балдардын клиникалык тез жардам ооруканасынын башкы дарыгери. Анын ишине берилип, күйүп-бышкандагы жана улам жаңыланган операция ыкмалары кыргызстандык көп бөбөктөрдү сактап калууда.

Накен Касиев
© Sputnik / Табылды Кадырбеков
Профессор, Кыргыз Республикасынын эмгек сиңирген дарыгери Накен Касиев

Накен Касиев – профессор, Кыргыз Республикасынын эмгек сиңирген дарыгери. Учурда Кыргыз-Славян Университетинин ден соолук жана коомдун саламаттыгын сактоо кафедрасын жетектейт. Ал дарыгерлиги менен коомдук-саясий ишмердүүлүгүн бир алып кеткен инсандардан.

Главный врач родильного дома №2 Азамат Алымбаев в рабочем кабинете
© Sputnik / Табылды Кадырбеков
Кыргыз Республикасынын эмгек сиңирген дарыгери Азамат Алымбаев

Азамат Алымбаев – Кыргыз Республикасынын эмгек сиңирген дарыгери. Учурда Бишкек шаардык №2 төрөт үйүндө жетекчи. Ал 40 жылдан бери энелер менен ымыркайлардын саламаттыгын сактоо үчүн кызмат кылып келет.

Тема боюнча

Алтын колдуу Эрнст Акрамов 81 жашта! Дарыгер тууралуу 7 чындык
Улукман. Кыргызстандын дартка даба атактуу 5 дарыгери
"Доктур, мен өлүп каламбы?" деп сурады бала кадала тиктеп. Бишкектик онкологдун маеги
Белгилер:
илимий эмгек, Төрөт үйү, дарыгер, майрам

ЭҢ МААНИЛҮҮ