БИШКЕК, 21-июн. — Sputnik. Бишкекте айдоочу коляска сүйрөп бара жаткан келинди жөө адамдар өтүүчү чийинден өтүп бара жаткан жеринин сүзүп кете жаздаганын Sputnik Кыргызстан агенттигине күбө билдирди.
Анын айтымында окуя 20-июнь күнү саат 9.10до Жибек Жолундагы Батыш автобекетинин жанынан болгон. Унаанын видео көзөмөлүндө көрүнүп тургандай, коляска сүйрөгөн келин жөө адамдар өтүүчү чийинден өтүп бара жаткан. Аны бардыгы өткөрүп жатканына карабай, айдоочулардын бири унаасын айдап өтүп кеткенге аракет кылган.
"Аялды кагып кете жаздаган унаа күңүрт өңдөгү BMW унаасы болчу. Мамлекеттик номери — S 1120 AZ", — деди күбө.
Бишкек ШИИБинин Кайгуул милициясы жол эрежесин бузган айдоочу изделип жатканын билдирди.
