23:00 19 Баш оона 2017
Түз эфир
Баткенде кургатылган өрүктүн баасы арзандаганын жергиликтүү сатуучулар билдиришүүдө

Баткенде өрүктүн баасы кескин төмөндөөдө

© Фото / Улан Маккамбаев
Коом
Кыскача шилтеме алуу
10110

Баткен облусунда жети миң гектардан ашык аянтта өрүк бактары бар. Алардан жылына 20 миң тонна өрүк жыйналат.

БАТКЕН, 20-апр. — Sputnik. Баткенде кургатылган өрүктүн баасы арзандаганын жергиликтүү сатуучулар билдиришүүдө. Тургундар мындай абал тажикстандык соодагерлердин азайышына байланыштуу экенин айтып жатканын аймактык кабарчы маалымдады.

"Баткен өрүгүнүн 80 пайыздан ашыгы Тажикстанга экспорттолот. Бүгүнкү күнү базарда дарыланган өрүктүн субханы деп аталган сортунун бир килограммы 80 сомдон 150 сомго чейин сатылууда. Өткөн жылы ушул мезгилде өрүктүн килограммы 400 сом болчу", — дешти сатуучулар.

Тажикстандын Исфара районундагы соодагерлердин айтымында, Баткен облусунан Тажикстанга сатылган өрүктөр кайра иштетилип Кожент шаарындагы темир жол менен Россия жана КМШнын башка мамлекеттерине жөнөтүлөт. Бирок быйыл кургатылган мөмө-жемиштерге талап аз экенин соодагерлер баса белгилешүүдө.

Белгилей кетсек, Баткен облусунда жети миң гектардан ашык аянтта өрүк бактары бар. Алардан жылына 20 миң тонна жемиш жыйналат.

Тема боюнча

Финляндия Кыргызстандын балы менен кургатылган мөмө-жемишин алууга даяр
Кыргызстандагы товарлардын сапаты августка чейин көтөрүлөт
Белгилер:
базар, экспорт, өрүк, Тажикстан, Баткен облусу

ЭҢ МААНИЛҮҮ