БИШКЕК, 17-апр. — Sputnik. Кыргызстан мусулмандарынын дин башкармалыгы жана "Адеп башаты" коомдук прогрессивдүү фонду тарабынан уюштурулган жетинчи республикалык Куран жарышынын жыйынтыгы чыгарылып, жеңүүчүлөр аныкталды. Бул тууралуу муфтияттан кабарлашты.
Конкурстун жыйынтыгы менен Курандын 10, 15, 30 парасы боюнча жеңүүчүлөр аныкталып, аларга акчалай сыйлыктар ыйгарылды.
"Куран жарышынын жеңүүчүлөрүнө сыйлыкты Кыргызстан мусулмандарынын аалымдар кеңешинин төрагасы Абдишүкүр ажы Нарматов, муфтийдин орун басары Жоробай ажы Шергазыев, Кыргыз ислам университетинин ректору Марс Ибраев тапшырды", — деп жазылат маалыматта.
11 Чын Куран 2017, 18:40
Эскерте кетсек, VII республикалык Куран жарышы муфтий Максатбек ажы Токтомушевдин буйругунун негизинде үстүбүздөгү жылдын мартында облустук казыяттарда тандоо туру уюштурулган. Бишкек шаарындагы Кожомкул атындагы спорт сарайында финалдык жарыш өтүп, жеңүүчүлөр кечээ аныкталды.
