БИШКЕК, 1-мар. — Sputnik. "Ата Мекен" фракциясынын лидери Өмүрбек Текебаевдин элге кайрылып жазган катын социалдык тармакка анын жактоочуларынын бири Искен Афиджанов жарыялады.
Текебаевдин партиялаштары менен тарапташтарына жазган каты
© Фото / Искен Афиджанов
Эскерте кетсек, Текебаев 26-февраль күнү Венага болгон иш сапарынан кайтып келе жатканда "Манас" аэропортунан кармалган. Биринчи Май райондук соту "Коррупция" беренеси боюнча айыпталып жаткан депутатты 25-апрелге чейин камакка алуу чечимин чыгарган.
Катта Текебаев ак жеринен күнөөлөнүп жатканын, жалаанын баары саясий чагымчылдык экенин белгилеген. "Ата Мекен" партиясынан кат депутатка таандык экенин тастыкташты.
Ал эми президент Алмазбек Атамбаев РФ президенти Владимир Путин менен бирге маалымат жыйын өткөрүп жатып, Текебаевдин ишине да токтолгон. Анда өлкө башчы бул маселеде эч кандай саясат жок экенин, коррупциялык аракеттер аныкталып жатканын баса белгилеген.
