10:43 20 Тогуздун айы 2019
Түз эфир
  • USD69.8031
  • EUR77.6699
  • RUB1.0915
Кылмыш иши папкасы. Архив

ИИМ башчысы: Дүйшөбаева менен Абасовдун иши боюнча жыл аягына чейин жыйынтык болот

© Sputnik / Табылды Кадырбеков
Коом
Кыскача шилтеме алуу
ИИМ башчысы Кашкар Жунушалиевдин маалымат жыйыны (5)
115 0 0

Мындан эки жыл мурун коомдо чоң талкуу жараткан эки адам өлтүрүү болгон. 19 жаштагы Камила Дүйшөбаеванын өлүмү боюнча иш азыркыга чейин ачыла элек. Кикбоксер Руслан Абасов өлтүрүлгөн. Анын машинасы Токмок шаарындагы кичи райондордун биринде жардырылган.

БИШКЕК, 21-окт. — Sputnik. Камила Дүйшөбаева менен Руслан Абасовдун өлүмү боюнча иликтөөлөрдүн жыйынтыгы жыл аягына чейин чыгарын ички иштер министри Кашкар Жунушалиев маалымат жыйында билдирди.

"Тергөө иштери жүрүп жатат, жыл аягына чейин жыйынтык болот деп ишенем", — деди министр.

2014-жылы 10-мартта сырдуу жагдайда 19 жаштагы Камила Дүйшөбаева өлтүрүлгөн. Коомдо катуу талкууга алынган бул окуянын чоо-жайы азыркыга чейин ачыла элек. Мурдагы министр Мелис Турганбаев бул иш толук иликтенерин билдирген болчу.

Ал эми ошол эле жылы 27-мартта Токмок шаарынын кичи райондорунун биринде кикбоксер Руслан Абасовдун машинасы жардырылган. Спортчу ооруканага алып бараткан жолдо үзүлгөн. ИИМдин маалыматы боюнча аны уюштургандар аныкталып, иш сотко берилет.

Ички иштер министринин орун басары Данияр Абдыкаров 19 жаштагы Дүйшөбаеванын ишинин тергелиши боюнча маалымат берди.

"Кайтадан түзүлгөн ыкчам-иликтөө тобу иштеп жатат. Айрым жагдайлар боюнча иш алып барылбай калган учурлар бар", — деди министрдин орун басары.

Ал жыл аягына чейин тергөөнүн жыйынтыгы чыгып, шектүү кишилер жоопко тартылат деген үмүт бар экенин кошумчалады.

Тема:
ИИМ башчысы Кашкар Жунушалиевдин маалымат жыйыны (5)
Белгилер:
тергөө, адам өлтүрүү, Кашкар Жунушалиев

ЭҢ МААНИЛҮҮ