БИШКЕК, 23-авг. — Sputnik. Top Model Of The World эл аралык сулуулар конкурсунун катышуучусу кыргызстандык Бегимай Карыбекованын сүрөттөрү Германиянын Бремен шаарынын баннерлеринде илинмекчи. Бул тууралуу Sputnik Кыргызстан агенттигине моделдик долбоорлор компаниясынын директору Таттыбубу Самидин кызы билдирди.
"Эми биздин кыздын сүрөттөрү Бремен шаарынын бардык булуң-бурчтарына илинет" – деди Самидин кызы.
Карыбековадан тышкары жарнамалык роликтерге тартылууга Канада, Бразилия, Эквадор, Мальта жана Балтика өлкөлөрүнүн өкүлдөрү тандалып алынган.
Эл аралык топ-моделдер конкурсунун финалы 26-августта Бремен шаарында өтөт.
