14:59 18 Тогуздун айы 2021
Түз эфир
  • USD84.8000
  • EUR98.4062
  • RUB1.1904
Коом
Кыскача шилтеме алуу
68740

Президент Алмазбек Атамбаев өзү чыгарган "Судьбе назло" деген ырын аткарып, бул өткөн аптада кыргыз интернетин бир топ дүрбөлөңгө салды. Sputnik Кыргызстан кайсы өлкөлөрдүн башчылары ыр-күүгө жакын келерин билип көрдү.

Өткөн аптада интернетте Кыргызстандын президенти Алмазбек Атамбаев гитарада ойноп, "Судьбе назло" деген ырын аткарганы жарыяланды

Социалдык тармактын пайдалануучулары өлкө башчынын талантын жогору баалашты. Мындан улам, Sputnik Кыргызстан кайсы мамлекет президентинин ышкыбоздугу менен мактана ала турганын иликтеп чыкты.

Казакстандын президенти Нурсултан Назарбаев домбура чертип, кыңылдап ырдай коёт. Буга чейин казак эли байма-бай домбурада ойногон Назарбаевди көрүп турушса, кийинчерээк бол сейрек көрүнүшкө айланып кетти. Эскерте кетсек, казак лидери учурдагы өлкө гимни менен бир катар чыгармаларды кошо чыгарышкан авторлордун бири болуп саналат. Президенттин автордук ырлар менен элдик чыгармаларды кандай аткарарын Акордонун расмий сайтынан таанышууга болот.

Россия президенти Владимир Путиндин хоккей менен дзюдодон тышкары рояль чертип отурганын көп кездештире баштадык. Эки жума мурун "Ленфильм" киностудиясына барган Путин Тихон Хренниковдун "Московские окна" ырынан үзүндү аткарып берди. Ал эми премьер-министр болуп турганда балдардын онкологиялык оорусуна каршы өткөрүлгөн кайрымдуулук иш-чарасында күтүүсүз үн созгону белгилүү 

Түркмөнстандын президенти Гурбангулы Бердымухамедов да музыкага жакын. "Улут башы" бир нече жылдан бери гитарада ойноп, диджейлик өнөрү менен таң калтырып келет. Былтыр анын калемине таандык ырды бир маалда 4166 адам аткарып, Бердымухамедов Гиннес китебине да кирген жайы бар

АКШнын мурунку президенти Билл Клинтон Ак үйгө келгенге чейин саксофондо ойноп, мектепте атайын топту жетектеп келген. Профессионалдуу музыкант болууну кыялданып, бирок тагдыр аны таптакыр башка нукка алып келген. Өзүнүн 1993-жылы болгон инаугурациясында саксофондо ойноп, меймандарды кубанычка бөлөгөн.

Президент Барак Обама менен биринчи айым Мишель Обама Ак үйдө дүйнөлүк жылдыздар катышкан концерттерди байма бай уюштуруп келишет. Мында жубайлар өздөрү да сахнага чыгып, өнөр тартуулаган учурулары аз эмес. 

Алмазбек Атамбаев гитара чертип, өзү жазган ырынын аткарганын Sputnik Кыргызстан видеосунан көрүңүз>>

Тема боюнча

Инаугурациядан баштап футболисттер менен түшкөн "селфиге" чейин — президент Алмазбек Атамбаев
Белгилер:
Алмазбек Атамбаев, видео, музыка, президент

ЭҢ МААНИЛҮҮ