БИШКЕК, 30-май — Sputnik. Жогорку Кеңештин мурунку депутаты Хажимурт Коркмазов убактылуу кармоочу жайдан бошотулду. Бул тууралуу Sputnik Кыргызстан агенттигине анын адвокаты Кайрат Загибаев билдирди.
Ага ылайык, Нарымбаев үч жылга, Коркмазов 1,5 жылга эркинен ажыратылган. Коркмазов 10 айдан бери убактылуу кармоочу жайда отургандыктан, жаза мөөнөтү бүттү деп эсептелинет. Анткени убактылуу кармоочу жайдагы бир күн эки күнгө тете саналат.
"Хажимурат Коркмазов ишемби күнү эркиндикке чыкты. Учурда үй-бүлөсү менен эс алууда. Ден-соолугу жакшы. Соттун чечими боюнча апелляциялык арыз жазуу боюнча бир пикирге келе элекпиз", — деди адвокат.
Эскерте кетсек, Биринчи Май райондук соту президент администрациянын мурунку жетекчиси Данияр Нарынбаевди үч жылга, ал эми Хажимурат Коркмазовду 1,5 жылга эркинен ажыратуу өкүмүн чыгарган. Аталган чечим боюнча айыпкерлер аппеляциялык арыз жазып, иш Бишкек шаардык сотунда каралган.
