БИШКЕК, 9-апр. — Sputnik. Республиканын беш облусунун аймагында 10-11-апрелде абанын температурасы 1 градуска чейин төмөндөп, Кемин, Талас өрөөндөрүнүн тоо этектеринде үшүк жүрөт. Бул туурасында ӨКМдин маалымат кызматы билдирди.
"Жаңы ачылган бүчүрлөрдү, гүлдөрдү жана байлаган мөмөлөрдү үшүк алып кетиши мүмкүн", — деп билдиришти министрликтен.
Күндүн көзү Талас, Чүй, Ош, Жалал-Абад жана Баткенской облустарында бузулуп, аба 1…6 градуска, ал эми Кемин, Талас өрөөндөрүнүн тоо этектеринде 0…-2 градуска чейин муздайт.
