БИШКЕК, 29-мар. — Sputnik. Мамлекеттик тарых музейи 25-марттан тарта кишилер үчүн жабылганын Маданият, маалымат жана туризм министрлиги билдирди.
Оңдоо иштери эки этап менен өтөт.
Биринчи этап 31-августка чейин аяктайт. Анда имараттын сырты жана ага жакын жайгашкан жерлер жарыктандырылат.
Экинчи этапта музейдин имараты заманбап талаптарга жооп бергидей кылып оңдолот.
Учурда музейдеги экспонаттарды чогултуу иштери жүрүп жатат. Аларды кылдаттык менен чогултуу үчүн россиялык эксперт, тарых илимдеринин доктору, профессор Алексей Неверкович чакырылган.
Кыргызстандын мамлекеттик тарых музейи 1925-жылы түптөлүп, азыркы имараты 1984-жылы курулган. Ал Борбор Азиядагы эң ири музейлердин катарына кирет. Бул жерде 135 миңден ашык артефактар жана кыргыз элинин тарыхына байланыштуу маданий мурастар сакталган.
