12:07 18 Кулжа 2019
Түз эфир
  • USD69.8305
  • EUR78.3044
  • RUB1.0857
Баткен облустук мусулмандар казыяты аталган шаардагы Ленин атындагы мектепте 9-10-11-класстын окуучуларын жыйын өткөрдү

Баткенде окуучуларды балээлүү уюмдардан коргоп калуу боюнча иш жүрүүдө

Фуркат Авлиёев
Коом
Кыскача шилтеме алуу
32 0 0

Муфтият өкүлдөрү окуучуларына ата-бабалар тутунуп, сактап келген туура багыттагы, салттуу дин баалуулуктарын жайылтуу зарылдыгын да айтып беришти.

БИШКЕК, 19-ноя. — Sputnik. Баткен облустук мусулмандар казыяты аталган шаардагы Ленин атындагы мектепте 9-10-11-класстын окуучуларына жыйын өткөрүп, туура эмес диний агымдар, алардын кооптуулугу тууралуу айтып беришти. Бул тууралуу Баткен облустук мусулмандар казыятынын маалымат катчысы Фуркат Авлиёев кабарлады.

Жыйынга Баткен облустук мусулмандар казысынын орун басары Каразак ажы Кожояров, мектеп директору, мугалимдер катышып, балдарды мындай уюмдардан алыс болууга үндөштү. 

"Жыйындын максаты окуучуларга туура эмес диний агымдар тууралуу түшүнүктөрдү жеткирүү менен алардан алыс болууга чакыруу жана ата-бабаларыбыз тутунуп сактап, келген туура салттуу дин баалуулуктарын жайылтуу", — деп билдирди Авлиёев. 

Балдарга лекция окугандар бүгүнкү күндө билим жана интеллектуалдык жактан жаштардын деңгээлин көтөрүү зарылдыгын окуучуларга айтышты.

Ал эми окуучулар казыяттын өкүлүнө исламга, бүгүнкү күндө көйгөйлүү маселелери- ашыкча радикалдашкан диний уюмдар туурасында суроолоруна жооп алышты.

Мындай жыйын Баткен шаарынын Кызыл-Жол орто мектебинде да болуп өттү.

Жакында эле аталган облустун Лейлек районундагы мектептин мурдагы бүтүрүүчүсү Аскарбек Бакыбековдун террористтик "Ислам мамлекети" уюмуна кошулуп кеткендиги маалым болгон. Ал бир нече согушкердин катарына туруп Россияга жихад жарыялаган видео интернетте тарап кеткен. 

Тема боюнча

Баткенде медресе студенттерин терроризм, экстремизмден алыс болууга үндөштү
Белгилер:
экстремисттик уюм, окуучулар, Фуркат Авлиёев

ЭҢ МААНИЛҮҮ