БИШКЕК, 26-сен. — Sputnik. Билим берүү жана илим министрлиги "Жылдын мыкты мугалими-2015" республикалык конкурсунун корутунду бөлүгүн 6-октябрынан 10-октябрына чейин өткөрө турган болду. Бул туурасында аталган министрликтин маалымат кызматы билдирет.
Республикалык конкурс мыкты мугалим конкурсунда "Жылдын мыкты айылдык мектеби", "Жылдын мыкты инновациялык мектеби", "Жылдын мыкты бала бакчасы" номинацияларында аныкталат.
Бул сыйлыктын максаты — мектепке чейинки билим берүүчү уюмдарда жана жалпы билим берүүчү педагогикалык жамааттарда чыгармачылык менен иштеген мугалимдерди таап чыгып жана аларды сыйлоо, билим берүүнү өнүктүрүүдө баалуу салым кошкондугу сыйлоо.
Акыркы маалыматтар боюнча, Кыргызстандагы мугалимдердин саны 74 миңди түзөт.
