Облсот Мырзакматовго карата өкүмдү күчүндө калтырды

© пресс-служба ЖКОштун экс-мэри Мелис Мырзакматов. Архив
Оштун экс-мэри Мелис Мырзакматов. Архив - Sputnik Кыргызстан
Жазылуу
Облустук соттун имаратына жакын чогулуп тураган Мырзакматовдун 200гө жакын тарапташтары ишти карап жаткан судья Мадумарованын элге чыгышын талап кылышты.

БИШКЕК, 17-авг. — Sputnik. Бүгүн Ош облустук соту Мелис Мырзакматовго карата буга чейинки Ош шаардык сотунун  өкүмүн күчүндө калтырды. Сот экс-мэрди жети жылга эркинен ажыратып, үй-мүлкүн конфискациялоо чечимин чыгарган.

"Алгач иш облустук сотто каралып жатканына нааразы болгон жактоочулары залдан чыгып кетти. Сот өзүнүн ишин улантып, Мелис Мырзакматовго карата буга чейин Ош шаардык соту чыгарган өкүмдү күчүндө калтырды", — деп билдирди Ош облустук ИИМдин маалымат кызматынын өкүлү Жеңиш Ашырбаев.

Облустук соттун имаратына жакын чогулуп тураган Мырзакматовдун 200гө жакын тарапташтары ишти карап жаткан судья Мадумарованын элге чыгышын талап кылышты.

"Учурда чогулган эл чекесинен тарап жатат", — деп кошумчалады Ашырбаев.

Анын айтымында, абалга көзөмөл кылуу үчүн тартип коргоо органынын 200гө жакын кызматкерлери да чыккан. 

Ал арада Бишкек шаарында өткөн съездинде "Ата Мекен" партиясы Мырзакматовду партиянын талапкерлеринин ичинен тизмеге үчүнчү кылып киргизген. 

Фемиданын айкели. Архив - Sputnik Кыргызстан
Мелис Мырзакматовдун тарапташтары Конституциялык палатага кайрылат
Июлдун аягында Ош шаарынын мурдагы мэри, "Улуттар Биримдиги" саясий партиясынын лидери Мырзакматов Ош шаардык соту тарабынан сыртынан жети жылга кесилип, эл аралык издөөгө алынган.

Эске салсак, Мырзакматов шаарды аралап өтчү асма көпүрөнү салууда коррупциялык иштерге барган деп шектелген. 2014-жылдын ноябрь айында Мырзакматов Кылмыш жаза кодексинин "Кызмат абалынан пайдалануу" беренеси боюнча айыптуу деп табылган. Ош шаардык соту анын баш коргоо чарасын камакка алынсын деп чыгарып, издөө жарыялаган. Бирок Мырзакматов өлкө аймагынан чыгып кетүүгө үлгүргөн.

Жаңылыктар түрмөгү
0