БИШКЕК, 2-июль — Sputnik. Киреше жана мүлк декларациясына ылайык, Жогорку Кеңештин төрагасы Асылбек Жээнбеков спикер катары 1 миллион 14 миң сом айлык акы алса, жарандык-укуктук келишимдердин негизинде 1, миллион 24 миң сом каражатка ээ болгон.
Төраганын жылдык кирешеси президенттикинен эки эсе көп экени белгилүү болду.
Жээнбеков өз декларациясында төмөнкү мүлккө ээ экендигин көрсөткөн:
- 1,5 миң чарчы метр аянттагы үй;
- 12,7 миң чарчы метр аянттагы имарат жана курулуштар;
- 3,5 миң чарчы метрде жайгашкан кафе-ресторандар;
- 9 миң чарчы метр айдоо жери
Өткөн жылы спикер фирмалардын аталышын көрсөтсө, быйыл аларды тактаган эмес.
Маалыматка ылайык, спикердин туугандарынын менчигинде 15,7 чарчы метр аянттагы унаа токтотуучу жай, жалпы аянты 184,6 чарчы метрди түзгөн эки квартира катталган. Мындан тышкары, алар белгисиз компаниянын акцияларынын 86 пайызына ээлик кылат.
