БИШКЕК, 30-июнь — Sputnik. Премьер-министр Темир Сариев Ага Хан өнүктүрүү түйүнүнүн туруктуу өкүлчүлүгүнүн башчысы Шамш Кассим-Лакхини кабыл алганын өкмөттүн маалымат кызматы билдирет.
Жолугушууда тараптар Ага Хан өнүктүрүү түйүнү менен КР билим берүү тармагындагы кызматташуу маселелерин талкуулашты.
Темир Сариев Ага Хан өнүктүрүү түйүнүнүн Кыргызстандагы аткарган ишин жогору баалай турганын билдирип, мындан аркы ар тараптуу кызматташуунун бекемделишине өзгөчө маани берерин белгиледи.
Шамш Кассим-Лакхи мырза түйүн ишке ашырып жаткан Нарын шаарындагы Борбор Азия Университетинин курулушу аяктоо алдында турганын, 2016-жылдан тарта окуу жай студенттерди кабыл алууну баштарын билдирди.
