Изабеков Нурбек Канатбекович — өмүр баяны

© Sputnik / Досхан НусубековТренер женской сборной команды Кыргызстана по вольной борьбе Нурбек Изабеков
Тренер женской сборной команды Кыргызстана по вольной борьбе Нурбек Изабеков - Sputnik Кыргызстан
Жазылуу
Белгилүү машыктыруучу Нурбек Изабековдун өмүр баянын Sputnik Кыргызстан маалымат агенттиги даярдаган таржымалдан окуңуздар.

Нурбек Изабеков 1970-жылы 15-февралда Талас районунун Жерге-Тал айылында төрөлгөн.

Билими:

1992-1996 — Жусуп Баласагын атындагы Кыргыз улуттук университетинин экономика адистигинде окуган;

1989-1991 — Советтик Армиянын катарында кызмат өтөгөн;

Спорттогу жетишкендиктери;

1988 — СССРдин спорт интернаттары арасындагы чемпионатта алтын медаль;

1988 — Бүткүл союздук жаштар оюндарында үчүнчү орун;

1988-1989 — СССРдин чемпионатында эки ирет коло медаль;

1995 — Филиппиндеги Азия чемпионатында күмүш медаль;

1999 — Ташкенттеги Азия чемпионатында экинчи орун;

Эркин күрөш боюнча эл аралык класстагы спорт чебери.

Ишмердүүлүгү:

2000-2007 — Күрөш жана бокс боюнча олимпиадалык резервдеги балдар-өспүрүмдөр спорт мектебинде методист, машыктыруучу;

2007-2009 — Кыргызстандын эркин күрөш боюнча улуттук курама командасынын улук машыктыруучусу. Бул жылдары балбандар Азия чемпионатынан үч коло, бир күмүш медаль алышкан;

2010-жылдан тарта Кыргызстандын аялдар күрөшү боюнча улуттук курама команданын башкы машыктыруучусу.

Анын колунда машыккандар өспүрүмдөр, жаштар жана чоңдор арасындагы Азия, дүйнө чемпионатынан жана эл аралык мелдештерден байгелүү орундарга ээ болуп келет.

2012-жылы Изабеков тарбиялаган Айсулуу Тыныбекова Кыргызстандын тарыхында Олимпиада (Лондон) оюндарына катышкан биринчи кыз болгон. Ошондой эле алгач ирет чоңдор арасындагы Азия чемпионатын үч жолу жеңип, бир жолу Азия оюндарынын, бир жолу дүйнөнүн алтын байгесин ала алган.

2017-жылы Айпери Медет кызы жаштар арасында дүйнө чемпиону аталып, кийинки жылы Азия оюндарында күмүш тагынган.

Мээрим Жуманазарова жаштар арасында Азия чемпионатынын эки жолку жеңүүчүсү, ал эми чоңдор арасындагы Азия чемпионатынын коло байге ээси. Жаштар арасындагы дүйнө биринчилигинен экинчи орунду алган.

Назира Марсбек кызы жаштар арасындагы Азия чемпионатында үчүнчү орунду ээлеп, жабык имараттагы Азия оюндарында күмүш медаль алган.

Нураида Анаркулова кадеттер арасындагы Азия чемпионатынан күмүш байге алса, жаштар арасындагы дүйнө чемпионатынан коло медаль багындырган.

Сыйлыктары:

Нурбек Изабековго спортко кошкон салымы үчүн КРдин Ардак грамотасы ыйгарылган. Дене тарбияга жана спортко эмгек сиңирген ишмер, эмгек сиңирген машыктыруучу.

Үй-бүлөлүү, беш баланын атасы.

Виджет news
Жаңылыктар түрмөгү
0