Бакыт Есенбаева 1971-жылдын 1-сентябрында Фрунзе шаарында туулган. Жогорку билимдүү. Санкт-Петербургдагы Мамлекеттик технология жана дизайн университетин (инженер-химик-технолог), Кыргыз мамлекеттик улуттук университетин (финансы жана кредит) бүтүргөн.
Эмгек жолу:
- 1993 — "Илбирс" АКнын боёо цехинин кирүү контролу боюнча инженери, Кыргыз техникалык университетинин "Тигилген кийимдердин технологиясы жана конструкциясы" кафедрасынын окутуучусу;
- 1996-1999 — "Кыргызавтобанк" АКБнын Токмоктогу филиалынын башкы бухгалтери;
- 1999 — "Кыргызавтобанк" АКБнын Токмоктогу филиалынын башкаруучусунун орун басары;
- 1999-2002 — "Кыргызстан" АКБнын Токмоктогу филиалынын башкаруучусунун орун басары;
- 2002-2005 — "Кыргызстан" АКБнын райондор аралык филиалынын башкаруучусунун орун басары – кредиттөө, экономикалык талдоо, маркетинг жана валюталык операциялар бөлүмүнүн башчысы;
- 2005-2015 — Токмоктогу №2 унаа оңдоо заводунун директору;
- 2012-2013 — Токмок шаардык кеңешинин депутаты, вице-спикер;
- 2015 — КР Жогорку Кеңешинин VI чакырылышына "Бир Бол" саясый партиясынан депутат болуп шайланган.
- 2015-жылдын ноябрында Жогорку Кеңеш төрагасынын орун басары кызматына шайланган.
Үй-бүлөлүү, төрт баланын апасы.
Үстүбүздөгү жылдын 4-февралында өз ыктыяры менен депутаттык мандатын тапшырды.
