09:14 26 Аяк оона 2021
Түз эфир
  • USD84.8000
  • EUR99.5213
  • RUB1.1615
Саясат
Кыскача шилтеме алуу
"Кумтөргө" 3 миллиард доллар айып салынышы (102)
37910

Башкы көзөмөл органынын билдиришинче, жогорку кызматтагы адамдар чет элдик компаниялардын өкүлдөрү менен материалдык кызыкчылыктарды көздөгөн байланыштарды түзгөн.

БИШКЕК, 21-май — Sputnik. "Кумтөр" компаниясы менен келишимдерди түзүүдөгү коррупциялык фактылар боюнча кылмыш ишин тергөө башталды. Бул тууралуу Башкы прокуратуранын маалымат кызматы кабарлады.

Мекеме мамлекеттик комиссиянын материалдарын изилдеп, коррупциялык аракеттерди аныктады.

"1992-2019-жылга чейин мамлекеттик органдардын жогорку даражалуу жана башка кызмат адамдары "Кыргыз алтын" ААКнын жетекчилиги менен биргеликте "Камеко", Centerra Gold Inc. канадалык компанияларынын, ошондой эле "Кумтөр Оперейтинг Компани" ЖАКнын жана "Кумтөр Голд Компани" ЖАКнын өкүлдөрү менен материалдык жана башка кызыкчылыктарды көздөгөн туруктуу байланыштарды түзүшкөн. Өлкө кызыкчылыгына каршы түзүлгөн келишимдерден улам жаратылыш эбегейсиз бузулган, мамлекетке миллиарддаган зыян келтирилип, өлкө коопсуздугуна коркунуч туулган", — деп айтылат маалыматта.

18-майда бул факт Башкы прокуратура тарабынан Жазык кодексинин 319-беренесинин 2-бөлүгү ("Коррупция") менен Кылмыш жана жоруктардын бирдиктүү реестрине катталып, сотко чейинки өндүрүш башталды.

"Кумтөр Голд Компани" боюнча абал

7-майда Бишкек шаарынын Октябрь райондук соту "Кумтөр Голд Компани" ишканасын экологияга тийгизген залакасы үчүн мамлекетке 261,7 миллиард сом (3 миллиард доллардан көбүрөөк) төлөөгө милдеттендирген.

Мындан улам канадалык Centerra Gold Inc. компаниясы дооматты негизсиз деп эсептеп, 2009-жылдагы келишимдин бузулушуна алып келерин айткан.

Centerra Gold Inc. компаниясынын президенти жана аткаруучу директору Скотт Перри. Архив
© Фото / пресс-служба правительства/ Алишер Алиев
11-май күнү УКМК "Кумтөр Голд Компани" ишканасынын жетекчилери Кыргызстандан чыгып кеткенин билдирди.

Ал арада "Кумтөрдүн" ишин иликтеген мамкомиссия Centerra Gold Inс. менен кенге байланыштуу бардык келишимдерди жокко чыгарууну сунуштады. Анда 3,086 миллиард экологиялык зыян жана 1,166 миллиард доллар салык төлөмдөрү боюнча, жалпысынан 4,3 миллиард долларлык доо-арыз берүү каралган.

17-майда Жогорку Кеңеш жыйында карап, Кумтөр алтын кенин убактылуу тышкы башкарууга алуу сунушун колдоду. Учурда компанияны Теңиз Бөлтүрүк башкарып жатат.

Centerra Gold Inc. — канадалык алтын иштетүүчү компания. "Кумтөр Голд Компани" анын туундуу ишканасы. Кумтөр алтын кенинен түшкөн пайданын 26 пайызына Кыргызстан ээлик кылат.

Тема:
"Кумтөргө" 3 миллиард доллар айып салынышы (102)

Тема боюнча

Centerra Теңиз Бөлтүрүккө Канадада кылмыш иши козголгонун маалымдады
Сунушту карап жатабыз. Улуттук банк Кумтөрдөн алтын сатып ала электигин билдирди
Белгилер:
Башкы прокуратура, Кумтөр, компания, тергөө, иш

ЭҢ МААНИЛҮҮ