14:50 03 Жалган Куран 2021
Түз эфир
  • USD84.8113
  • EUR101.7905
  • RUB1.1373
Саясат
Кыскача шилтеме алуу
Садыр Жапаровдун инаугурациясы (28)
233012

Бүгүн комитеттин жыйыны өтүп, ант берүү аземинин программасына өзгөртүү жана толуктоолор киргизилген.

БИШКЕК, 22-янв. — Sputnik. Шайлоодо жеңип чыккан Садыр Жапаровдун инаугурациясын уюштуруу жана өткөрүү боюнча комитет бүгүн, 22-январда, салтанаттын жаңы сценарийин иштеп чыкты. Бул туурасында мамлекет башчынын маалымат кызматы билдирди.

Комитеттин жыйынында ант берүү аземинин программасына өзгөртүү жана толуктоолор киргизилген.

"Инаугурация күнү жолдор жабылып кортеж болбойт жана банкет уюштурулбайт. Инаугурацияга арналган баннерлер жолго илинбейт. Чыгымдар болушунча үнөмдөлөт. Буга чейин айтылган 10 миллион сомдун жарымынан көп бөлүгү кыскартылат", — дешти маалымат кызматынан.

Каражатты үнөмдөө максатында башка дагы иш-чаралар программадан алынганы айтылып, бирок алардын тизмеси ачыкталган жок.

Белгилей кетсек, буга чейин 28-январга белгиленген президенттин ант берүү аземин өткөрүүгө 10 миллион сом сарпталары айтылган. Ушул эле күнү инаугурацияга даярдык көрүү башталып, шаардын негизги көчөлөрү жабылган. Көп өтпөй унаа тыгыны жаралып, коомчулук бул көрүнүшкө сын-пикирлерди билдирген.

Андан соң жаңы шайланган президент Садыр Жапаров чыгымдарды азайтуу талабын коюп, чоң салтанат өткөрүүдөн баш тарткан.

Тема:
Садыр Жапаровдун инаугурациясы (28)

Тема боюнча

Жапаровдун инаугурациясына кимдер келет? Расмий жооп
Садыр Жапаровдун инаугурациясы 28-январда өтөт
Белгилер:
кортеж, өзгөртүүлөр, сценарий, инаугурация, Садыр Жапаров

ЭҢ МААНИЛҮҮ