Бишкектеги ири митинг: саясий күчтөр бирикти. Тексттик баяндама, сүрөт, видео

Бүгүн Бишкектеги "Ала-Тоо" аянтында болгон митингде беш киши жаракат алып, Улуттук госпиталга жеткирилди. Бул тууралуу Саламаттык сактоо министрлиги кабарлады.

Ага ылайык, үчөө ооруканага жатты, абалдары орточо оор. Ал эми эки киши амбулатордук түрдө дарыланууда.

Бишкекте өзгөчө абал бүгүн, 9-октябрь, саат 20:00дөн тарта күчүнө кирет. Бул тууралуу президенттин маалымат кызматы кабарлады.

Эскерте кетсек, бүгүн мамлекет башчы борбор калаага 21-октябрга чейин өзгөчө абал киргизүү боюнча жарлыкка кол койгон.

Жээнбеков Бишкекке армия менен аскер техникасын киргизүүнү тапшырды

"Өзгөчө абал тууралуу" мыйзамдын 4-беренесине ылайык, президент социалдык мүнөздөгү кризистик кырдаалдар болгон учурда жарандардын коопсуздугун камсыздоо же конституциялык кызыкчылыгын коргоо максатында өзгөчө абал киргизилиши мүмкүндүгү туурасында алдын ала кабарлайт. Ал эми өзгөчө абал айрым жерлерге алдын ала жарыяланбай эле киргизиле тургандыгын Жогорку Кеңеш токтоосуз билдирет.

"Өзгөчө абал тууралуу" мыйзамдын 9-беренесине ылайык, Жогорку Кеңеш өзүнүн токтому менен үч күндөн кем эмес аралыкта президенттин өлкөнүн айрым аймактарына өзгөчө абал киргизүү же аны алып салуу тууралуу жарлыгын бекитет. Жарлык кол коюлган күндөн тартып күчүнө кирет.

Эске сала кетсек, 4-октябрда өткөн парламенттик шайлоонун жыйынтыгына нааразы болгондор эртеси Бишкекте митингге чыккан. Ошондон бери арты-артынан уланган нааразычылыктар токтой элек.

Бул туурасында Атамбаевдин кеңешчиси Кундуз Жолдубаева айтып, бир аздан соң расмий маалымат чыгарын билдирди. 

Видеодон бир нече адам Токтогазиевдин колу-бутунан алып бара жаткандыгын көрүүгө болот.  Аны көтөрүп бара жаткандар "Тилек, чыда" деп кыйкырып жатат.

 Буга чейин Токтогазиевди "Ата Мекен", "Бир Бол", "Республика", "Реформа" партиялары вице-премьерлик орунга сунуштаган. Буга чейин Токтогазиев ага коркутуулар болуп жаткандыгын айткан эле.

Ыктыярчылар "Ала-Тоо" аянтынан эки ок таап алышкандыгын айтышты. Ага чейин атышуунун үнү угулган.

Ал эми аянтта калган бөлүгү "Садыр" деп кыйкырып жатышат.

Элдин мындан бир нече саат мурдагыдай активдүүлүгү байкалбай, борбодук аянтта жана анын чет жакасында басып жүргөдүктөрүн көрүүгө болот. 

Учурда экинчи тараптын митингчилери аянтта "Садыр" деп кыйкырып жатышат. Алар Манастын эстелигинин алдындагы трибунаны ээледи

Аянттагылар ар тарапка жарыла качты. Бири-бирине кол көтөрүү башталды.

Аянтта башаламандык башталды. 

Атамбаев ал улуу муундагылардын аянтка барбай, ошол жерде калышын суранды. Алар менен жаштар кошо бара тургандыгын айтты. 

Атамбаев күч түзүмдөрүнө кайрылды. "Элди ойлогула, элинерди атпагыла.  Бүгүн мушташка алып барбайлы", - деди ал.

"Азыр Ак үйдү көздөй барабыз. Башка партиялар дагы кошулуп жатат.  Бул жерди иним, Өмүрбек Токтогулов отурат. Рахмат, ага... Азыр ошол жерден калган сөздү айтабыз", - деди Атамбаев. 

Атамбаев: Мен күчкө салып бийликти алам дегенге каршымын. Мындай оюндарга каршымын. Бул кырдаалды тынч жол менен бүтүрүш керек. 

Атамбаев: Буюрса, кыргыздын жерине көмүлөм деп ойлоп жаттым. Кудай, чындык бар деп ойлодум.   

Атамбаевге чындык элдин тынчтыгы керек! 

"Беш күндөн бери башчылар, баш иштебей, бандиттер менен басмачылар иштеп жатат", - деп сөзүн баштады Момбеков.

"Ынкылапты шайлоонун жыйынтыгын жокко чыгаруу жасаганбыз", - деп улады ал.

Ошол жерде жүргөн кабарчыбыз Атамбаевдин жансакчысы Канат Сагымбаев чыгып сүйлөгөнүн кабарлады. Ал Садыр Жапаровдун талапкерлиги премьер-министрликке көрсөтүлүп жатканда, депутаттарга кысым көрсөтүлгөндүгүн айткан. 

Бир катар маалыматтарга таянсак, "Форумдун" алдына 1000ге чукул киши чогулган. Аларды катарына кеоип кошулганлар болууда.