БИШКЕК, 6-окт. — Sputnik. Борбордук шайлоо комиссиясынын төрайымы Нуржан Шайлдабекова БШКнын мүчөлөрү менен отставкага кетер-кетпесин талкуулап жатат. Бул тууралуу БШКнын мүчөсү Атыр Абдрахматова Facebook баракчасына жарыялады.
Ал ошондой эле "Шайлдабекова мурда эле өзү кетиши керек болчу" деп жазды.
Бишкектеги митинг
5-октябрь күнү парламенттик шайлоонун жыйынтыгына нааразы болгон сегиз партия "Ала-Тоо" аянтына митингге чыккан. Кечке жуук чогулгандардын саны көбөйүп, таңга маал митингчилер Ак үйдү алышты. Көп өтпөй акция катышуучулары УКМКнын имаратын басып кирип, бир нече саат ичинде абакта жаткан мурдагы президент Алмазбек Атамбаев, мурдагы өкмөт башчылар Сапар Исаков, Жантөрө Сатыбалдиев, саясатчылар Садыр Жапаров, Равшан Жээнбеков, эртеси түштө Фарид Ниязов жана Бишкектин экс-мэри Албек Ибрагимов чыгарылган.
Мирлан Бакиров: БШКнын чыгарган жыйынтыгына макулмун
Эртең менен президент Жээнбеков митинг уюштурган күчтөрдү маселени тынчтык жолу менен чечүүгө чакырган.
