Жогорку Кеңеш вице-премьерлик кызматына Акрам Мадумаровду жактырды

Жазылуу
Мадумаров буга чейин өкмөттүн Баткен облусундагы өкүлү болуп иштеп жаткан. Аталган кызматты бир жылдай аркалады.

БИШКЕК, 12-фев. — Sputnik. Жогорку Кеңештин депутаттары Акрам Мадумаровду вице-премьерлик кызматка жактырды.

Мунуңуз мал доктур го... Момбековдун Мадумаровду сындаган видеосу - Sputnik Кыргызстан
Мунуңуз мал доктур го... Момбековдун Мадумаровду сындаган видеосу
Эл өкүлдөрүнүн 97си макул болсо, бирөө гана каршы добушун берди.

Акрам Мадумаров өкмөттүн Баткен облусундагы өкүлү болуп иштеп жаткан. Ал кечээ өз ыктыяры менен арыз жазып кызматтан кеткен Жеңиш Разаковдун ордуна барат. Бүгүн анын талапкерлигин парламенттин көпчүлүк коалициясы жана тармактык комитети кезексиз жыйында карап, колдоп берди.

Ал дайындалгандан кийин күч түзүмдөрү жана чек ара маселелерин тескейт. Мадумаров президент Сооронбай Жээнбеков тийиштүү жарлыкка кол койгондон кийин расмий түрдө ишке киришет.

Жаңылыктар түрмөгү
0