БИШКЕК, 6-фев. — Sputnik. Президент Сооронбай Жээнбеков Эркин Асрандиев менен Замирбек Аскаровду жаңы кызматтарга дайындоо боюнча Жарлыктарга кол койду. Бул тууралуу өлкө башчынын маалымат кызматы билдирди.
Ага ылайык, буга чейин Россия-кыргыз өнүктүрүү фондун жетектеп келген Асрандиев өкмөттүн экономика тармагын тескеген вице-премьер болсо, вицеликти аркалаган Аскаров өзгөчө кырдаалдар министри болду.
Эскерте кетсек, экөөнүн талапкерлигин премьер-министр Мухаммедкалый Абылгазиев сунуштап, 5-февраль күнү Жогорку Кеңештин депутаттары колдоп берген.
