14:49 06 Чын Куран 2020
Түз эфир
  • USD84.8713
  • EUR91.6483
  • RUB1.0978
Саясат
Кыскача шилтеме алуу
Бишкектеги ЖККУ саммити (37)
58 0 0

Президент эл аралык жана регионалдык түзүмдөр менен кызматташтыктын кеңейип жатканын да белгиледи. Жалпысынан уюмга төрагалык кылган мезгил ичинде алдыга коюлган пландар ийгиликтүү ишке ашкан.

БИШКЕК, 28-ноя. — Sputnik. Өлкө башчы Сооронбай Жээнбеков Бишкекте өткөн Жамааттык коопсуздук келишим уюмунун (ЖККУ) Жамааттык коопсуздук кеңешинин кезектеги сессиясында Кыргызстандын уюмга кылган төрагалыгынын жыйынтыгын чыгарды.

Эске салсак, Бишкекте ЖККУнун саммити өтүп жатат.

"Кризистик жооп кайтаруу борборун укуктук тариздөө аягына чыгарылды. Аскерий, аскерий-экономикалык жана аскерий-техникалык кызматташуу чөйрөсүндө коюлган максаттарды жүзөгө ашыруу боюнча конкреттүү кадамдар жасалды. Бир катар ири машыгуулар, анын ичинде Россияда алгачкы ирет "Эшелон" атайын машыгуулары өткөрүлдү. Тажикстанда "Бузулбас боордоштук" жана Россияда "Өз ара иш-аракет" биргелешкен машыгуулары өткөрүлдү", — деди Жээнбеков.

Ал ошондой эле натыйжада ЖККУга мүчө мамлекеттердин Куралдуу күчтөрүнүн иш-аракеттери шайкеш болушуна жетишилгенин жана алардын күжүрмөн даярдыгы жогорулаганын белгиледи.

"Баңгизаттарды мыйзамсыз жүгүртүү менен күрөшүү маселеси да дайыма көңүл борборунда болду. Кыргызстандын Куралдуу күчтөрүнүн "Эдельвейс" полигонунда "Гром" тактикалык атайын машыгуулары өткөрүлдү", — деди президент.

Жээнбеков эл аралык жана регионалдык түзүмдөр менен кызматташтыктын кеңейип жатканын да белгилеп, жалпысынан уюмга төрагалык кылган мезгил ичинде алдыга коюлган пландар ийгиликтүү ишке ашканын айтты.

Тема:
Бишкектеги ЖККУ саммити (37)

Тема боюнча

Биринчи орунга коелу. Путин баңгизаттарын соодалоого каршы күрөшүү көйгөйүн көтөрдү
Абал курч! Сооронбай Жээнбеков коопсуздук маселесине басым жасады
Биринен бири өтөт! Президенттердин Бишкекке түшүп келген учактары сүрөттө
Белгилер:
Кыргызстан, саммит, ЖККУ, Сооронбай Жээнбеков

ЭҢ МААНИЛҮҮ