Атамбаев кайсы берене менен шектелип жатат? Соттун түшүндүрмөсү

© Sputnik / Табылды КадырбековКыргызстандын мурдагы президенти Алмазбек Атамбаев. Архив
Кыргызстандын мурдагы президенти Алмазбек Атамбаев. Архив - Sputnik Кыргызстан
Жазылуу
Алмазбек Атамбаев 26-августка чейин тергөө абагына киргизилди.

БИШКЕК, 9-авг. — Sputnik. Бишкек шаарынын Биринчи Май райондук соту мурдагы президент Алмазбек Атамбаевдин кайсы кылмыштарга шектелип жатканын айтты.

"9-августта прокурордун мурдагы президент Алмазбек Атамбаевдин баш коргоо чарасын карап, камакка алуу боюнча өтүнүчү келип түштү. Ал КРдин Жазыктар кодексинин 43-беренесинин 2-бөлүмү ("Кылмышка аралашуу") жана 319-беренесинин 2-бөлүмү ("Коррупция") боюнча шектелүүдө", — деп айтылат билдирүүдө.

Тергөө судьясы өтүнүчтү канааттандырып, Атамбаевди УКМК тергөө абагына 26-августка чейин калтырды.

Атамбаевдин кармалышы

Кыргызстандын мурдагы президенти Алмазбек Атамбаев. Архив - Sputnik Кыргызстан
Атамбаевдин УКМКдагы бет маңдай, капталынан тартылган сүрөтү тарады
7-августта кечинде УКМК мурдагы президент Алмазбек Атамбаевди кармоо боюнча атайын операция жүргүзгөн, бирок андан майнап чыккан эмес. Акыркы маалыматтар боюнча, кагылышуудан 85 киши жаракат алып, спецназдын бир жоокери каза болгон.

Эртеси күнү аны колго түшүрүү аракеттерин ИИМ колго алган. Ошол эле күнү кечинде Атамбаев Кой-Таштагы үйүнөн кармалып, УКМКнын имаратына алып келишкен.

Жаңылыктар түрмөгү
0