БИШКЕК, 11-мар. — Sputnik. Сотторду тандоо кеңеши судьялыкка талапкерлерди кароодо негизги басымды алардын кесипкөйлүгүнө жасабай жатат. Бул тууралуу президент Сооронбай Жээнбеков соттордун XI курултайында айтты.
Өлкө башчы кадр тандоонун сапатына көңүл бурду. Анын айтымында, 2016-2018-жылдардын аралыгында ишиндеги кемчилик үчүн 10 сот иштен алынып, дагы 26сы дисциплинардык жоопкерчиликке тартылган.
"Талапкерлерди тандоо тартибин күчөтүп, билим деңгээли төмөн, абийирсиз адамдардын дайындалышына жол бербөө керек", — деди Жээнбеков.
"Бул Сотторду тандоо кеңеши талаптагы эрежелерди аткарбайт дегенди түшүндүрөт. Болочоктогу судьялардын кесипкөйлүгүнө эмес, башка критерийлерине басым жасоодо", — деди Жээнбеков.
Өлкө башчысы аталган кеңештин тандоосу көп адамдын жашоосуна таасир этерин эскертти.
